web counter
LEXO PA REKLAMA!

SHKARKO APP

App Store
Google Play

Ronela Hajati e prekur: Ja çfarë po më detyron të iki nga Shqipëria

1 Maj 2018, 12:02, Lifestyle CNA

Javën e kaluar Ronela hajati solli hitin e saj më të ri veror, ?Maje men?, që u prit mjaft mirë nga fansat.

Por me sa duket kënga nuk pati mbështetjen që kërkonte Ronela nga mediat dhe për këtë këngëtarja është shprehur mjaft e revoltuar përmes disa postimeve të njëpasnjëshme në Instagram.

Ajo thotë se po detyrohet të lërë Shqipërinë pasi asnjë nga televizionet apo radiot nuk i kanë kushtuar vëmendje sa duhet. Ronela shprehet se nuk ka marrë asnjëherë atë që ka merituar dhe nuk do ta mbyllë gojën:

?Përshëndetje, dua të them diçka, fokusohuni.

Nëse iki ndonjëherë nga ky vend, nuk do të ndodhë kurrë sepse mendoj që jam këngëtarja më e mirë dhe kështu do të jem dhe jashtë. Nuk mund ta mendoj këtë gjë sepse nuk e ndjej.

Nëse iki, do të iki sepse kurrë nuk kam marrë atë që kam merituar. KURRË!

E gjithë ajo më bëri të fortë për të vazhduar në këtë dreq industrie të muzikës shqiptare, janë njerëzit që më dëgjojnë dhe vijojnë të më dëgjojnë.

Televizionet, radiot, asnjëherë nuk më kanë kushtuar vëmendje siç kanë bërë me artistët që kanë fuqi të madhe, rëndësi të madhe dhe familje të pasur. Kurrë.

Nuk kemi të drejta këtu, asgjë, artistët e rinj që punojnë për të tjerët dhe artistët budallenj që mendojnë se janë më të mirët.

Përse duhet ta mbyll gojën kur po investoj të gjithë fuqinë, shpirtin dashurinë dhe talentin me lekët e mia?

As i dashuri as mami as babi s?më kanë dhënë një qindarkë, kështu që përse duhet ta mbyll gojën?, shkruan këngëtarja?

Më pas Ronela ka publikuar disa nga këngët e saj më të suksesshme për të cilat thotë se nuk janë hit, por janë muzikë më e mirë se disa të tjera që po marrin miliona.





Lajmet e fundit nga