E fundit!

08:01 Kosova & Bota

Ari bie pavarësisht inflacionit të lartë në SHBA, ekspertët shpjegojnë arsyet

Ari po shkon drejt muajit të katërt radhazi në rënie, pava...

Tërmet në polici/ Dorëhiqen rreth 300 efektivë

26 Prill 2018, 08:18, Aktualitet CNA

Vettingu në polici ka filluar të japë efektet e para, ndërsa mësohet se rreth 300 efektivë kanë dhënë dorëheqjen.

Teksa duhen edhe 10 ditë nga dorëzimi i formularëve të vetëdeklarimit për vetingun në radhët e policisë, duket se ritmet e dorëzimit të formularëve të vetëdeklarimit nga ana e efektivëve blu, është shumë i ulët. Nga 13 mijë punonjës që shërbejnë në policisë e shtetit vetëm 10% kanë mundur t?i dorëzojë formularët pranë drejtorive vendore përkatëse.-shkruan gazeta Sot.

Lajm i është bërë i ditur ditën e djeshme nga kreu i Sindikatës së Policisë, Sadetin Fishta. Gjatë një prononcimi për mediat, Fishta zbuloi se janë larguar nga radhët e policisë rreth 300 efektivë, ku sipas tij, Tirana mban numrin më të lartë me 70 të dorëhequr.

Gjithashtu ai tha se ?Ne parashikojmë që deri më datën 30 të largohen me kërkesë të tyre deri 15% e punonjësve. Pjesa më e madhe me moshë mbi 47 vjeç që përfitojnë pensionin suplementar.?

Më tej, kreu i Sindikatës së Policisë, Sadetin Fishta u shpreh se nga kontaktet që ka me efektivët në terren, ka konstatuar se pjesa dërrmuese e punonjësve që sindikata përfaqëson, nuk i kanë dorëzuar ende 3 formularët e vetingut. Ai theksoi se efektivët po presin ditët e fundit të afatit për faktin se janë në dilemë. ?Pjesa më e madhe e punonjësve të policisë nuk i kanë dorëzuar 3 formularët e vetingut dhe po presin ditët e fundit të afatit që skadon më 5 maj. Janë para dy alternativave, ose të bëjnë kërkesë që të lirohen ose ta plotësojnë në përputhje me ato kërkesa që ka ligji. Deri tani nuk është dorëzuar asnjë nga këto deklarata, formularë sepse problematika është shumë e gjerë dhe gjithsecili prej tyre po vazhdon me konsultat?, u shpreh kreu i Sindikatës së Policisë, Sadetin Fishta.

Ndërkaq, kreu i Sindikatës bëri me dije për të gjithë punonjësit e policisë se edhe nëse nuk gjenden deri më data 5 maj dokumentet që kërkohen tek deklarata e pasurisë, ata do të kenë në dispozicion më shumë se 6 muaj kohë për t?i paraqitur pranë zyrave përkatëse.