web counter
LEXO PA REKLAMA!

SHKARKO APP

App Store
Google Play

E fundit!

x

Topalli “shuplakë” Bashës/ PD duhet të ribëhet

21 Prill 2018, 12:34, Aktualitet CNA

Ish-nënkryetarja e PD ?së Jozefina Topalli i ka dhënë një ?shuplakë? kryetarit të PD ?së Lulzim Bashës, i cili për mjegulluar krizën në PD, njëherësh zbardh edhe gënjeshtrat e tij.

Ajo ka thënë se nuk ka nevojë për karrige, pasi ka diferenca të mëdha me Lulzim Bashën.

?E kisha karrigen dhe e bëra të qartë publikisht se me L.B kam diferenca të mëdha.

E kisha karrigen dhe i dola kundër vendimit për shkrirjen e strukturave të PD  me urdhër të tij që në 2014. E  kisha karrigen kur e kundërshtoja, sepse ai nuk kundërshtonte Ramën. E kisha karrigen kur protestoja, se ai nuk përballej me Ramen dhe nuk bënte opozitë të forte. E kisha karrigen kur i thashë se ti nuk mund të sulmoje ashtu perëndimin, sepse është PD forca që ka hap vendin drejt tij.

E  kisha karrigen kur dola publikisht kundra bojkotit të zgjedhjeve që çonte vendin në destabilizim. Unë nuk kam nevojë për asnjë karrige. Asnjë në këtë botë as me heq as me ven ne PD.Sepse ne PD- ne e endrrave te viteve 90 une kisha hyre qe para se te lindja, por kete Luli nuk e kupton?, ka shkruar Topalli në rrjetet sociale.

Topalli ka thënë se nuk mundet të heshtë kur sheh vendin  të rrëshqasë, kur sheh e dëgjon se kryetari i opozitës është miku i kryetarit të qeverisë.

?Nuk  hesht kur shoh se kreu i opozitës kontrollohet nga qeveria, sepse e di që një vend pa opozitë ështe një vend pa shpresë, aq më shumë per ne e kemi provuar shumë gjatë dhe me kosto shumë të lartë diktaturën.

Refuzoj të hesht kur shoh  rrëshqitjen e PD -së drejt një partie autokratike.

Por, nuk çuditem që Luli propozon shfuqizimin e 20 shkurtit, apo njerëzit e tij votojnë Gramoz Rucin. Nuk zhgënjehem kur shoh si dëbon demokratët.

Unë nuk zhgënjehem prej tij, sepse e njoh më mirë se ç? kujton ai se e njoh.

Për karrigen e vet ai e ktheu PD si një karrige me rrota, që herë e shtyn me Ramën, herë me LSI, por kurrë me demokratët. Jozefina nuk pajtohet kurrë që për demokratët tq vendosë Rama me të tjerë?, ka thënë Topalli.

Më tej ajo tregon se nuk pajtohet kurrë me frymën e përçarjes së PD dhe të gjuetisë së shtrigave të përdorur në vitet e fundit.

?Nuk  pajtohem kurrë me rrëshqitjen drejt një mentaliteti komunist që po i bën LB forcës që rrëzoi komunizmin.

Jozefina nuk pajtohet kurrë me LB që diten flet për oligarkë e ndërkohe ndan interesa të medha me ta.

është më mirë që Luli të dorëhiqet e t?i jap mundësi PD të ngrihet për t?i dal zot vendit?, ka shkruar më tej ajo.

Sipas saj, Lul Basha duhet të dorëhiqet për rezultatin katastrofal që i ka dhënë PD.

?Ai duhet të largohet për marrëveshjen e tradhëtisë me Ramën për shpartallimin që i ka bërë strukturave , për rrëshqitjen majtas e mbi të gjitha për moskryerjen e misionit si opozitar.

Ai duhet të çlirojë nga pengmarrja PD-në , që është e demokratëve dhe jo e  familjes dhe e kunatit. Luli duhet larguar për dëmin e pallogaritshëm që jo vetëm i ka bërë PD, por mbi të gjitha vendit.

Partia Demokratike duhet të ribëhet. Ajo duhet të bashkojë çdo kontribut e vlerë të saj dhe mbi të gjitha të faktojë se është e besueshme për të patur besimin e të rinjve, të atyre të mire e që e duan vendin.

Partia Demokratike ka detyrë me i dal zot çdo qytetari:demokrat, socialist apo i pa parti.

Partia Demokratike ka nevojë për një fillim të ri, rindërtim, bashkim, rithemelim.  Ajo ia ka borxh shqiptarëve që i falën ëndrrën e tyre vite më parë?, ka shkruar Topalli./CNA.al





Lajmet e fundit nga