web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive:Nezar Seitaj “fundos”, dy prokurorë të Krimeve të Rënda/ Flet, Hajdarmataj

21 Prill 2018, 09:14, Aktualitet CNA

Ekstradimi drejt Italisë i shtetasit Nazer Seitaj, apo siç është klasifikuar në dosjen e prokurorisë me epitetin ?financieri i Habiljave?, është cilësuar si rasti më i paprecedentë në drejtësinë shqiptare.

Kjo për arsye se një dyshuar për trafik ndërkombëtar droge në rrethin e një grupi të strukturuar kriminal, ekstradohet drejt një shteti tjetër pa u hetuar më parë nga organi i akuzës në Shqipëri.

Në lojën e ekstradimit, janë përfshirë, dy prokurorë të Prokurorisë për Krime të Rënda, prokurorë të Prokurorisë së Tiranës, Drejtoria e Burgjeve dhe Ministria e Drejtësisë.

Çështja e ekstradimit është nën hetime, ndërkohë që gjasat janë  që i gjithë procesi hetimor i nisur nga Krimet e Rënda të shkatërrohet.

Kreu i Prokurorisë për Krime të Rënda, Besim Hajdarmataj, në një intervistë ekskluzive për CNA.al, ka thënë se janë duke hetuar ekstradimin e  Seitajt.

Ndërkohë sipas tij po ndiqet rruga e përcjelljes së provave me shtetin italian, në bazë të legjislacionit kombëtar dhe atij ndërkombëtarë.

?Ekstradimi i shtetasit Nazer Seitaj është në hetim nga kjo Prokurori. Lidhur me marrëdhëniet juridiksionale me autoritetet e huaja, është ndjekur rruga e zakonshme zyrtare e përcjelljes së informacioneve/provave në bazë  të legjislacionit kombëtar dhe ndërkombëtar në fuqi?, ka thënë Hajdarmataj.

Në lidhje me dy prokurorët e Krimeve të Rënda, Vladimir Mara dhe Dritan Prençi, të cilët janë nën hetim për ekstradimin e shtetasit Nazer Seitaj, kreu i Krimeve të Rënda, ka thënë se nuk ka një informacion zyrtar.

Paraprakisht, në një njoftim për media Prokuroria e Përgjithshme deklaroi, se Prokuroria e Krimeve të Rënda që hetonte çështjen nuk kishte asnjë komunikim me Prokurorinë e Tiranës dhe as me Prokurorinë e Përgjithshme.

?Ndaj, kërkesa për ekstradim ka shkuar në Gjykatën e Tiranës.

Kjo prokurori i ka dërguar informacion vetëm Drejtorisë së Përgjithshme të Burgjeve. Vetëm ky institucion ishte ligjërisht i informuar se mbi Seitajn kishte një masë sigurie arrest me burg për llogari të drejtësisë shqiptare?, thuhet në deklaratën për media të Prokurorisë së Përgjithshme.

Ndërkaq, Prokuroria e Durrësit që në muajin shkurt ka nisur hetimin për prokurorët e dosjes së ish-ministrit të Brendshëm Saimir Tahiri, të cilët kanë përfaqësuar akuzën në Gjykatën e Shkallës së Parë kundër të arrestuarit Nezar Seitaj, i cilësuar nga prokuroria e Katanias, si financieri i grupit kriminal që drejtohej nga Moisi Habilaj.

Bëhet fjalë për dy prokurorët e Krimeve të Rënda Vladimir Mara dhe Dritan Prençi, të cilët sipas verifikimeve që kreu Drejtoria e Inspektimit në Prokurorinë e Përgjithshme ka rezultuar, se nuk kanë njoftuar Prokurorinë e Përgjithshme, por edhe nuk kanë pasur një komunikim me prokurorinë e Tiranës, e cila kishte në shqyrtim çështjen për ekstradimin në Itali të Nezar Seitit.

Ndërkohë, veç dy prokurorëve të tjerë Kryeprekurorja e Përgjithshme e Përkohshme Arta Marku, ka urdhëruar ndjekje disiplinore edhe për prokuroren Armida Hamiti (Moçka), e cila ka përfaqësuar akuzën në gjykatë, në dosjen e ekstradimit të Nezar Seitit, i njohur ndryshe si financieri i grupit ?Habilaj? për trafikun e drogës Shqipëri-Itali.

Po kështu është kërkuar ndjekje disiplinore edhe për prokurorin e Tiranës, Shahin Pasha.

CNA.al  është interesuar pranë Prokurorisë së rrethit Gjyqësor Durrës për të mësuar se çfarë ka ndodhur me hetimet për këtë çështje.

Por referuar përgjigjeve, fillimisht pritet të mbarojë hetimi disiplinor nga Prokuroria e Përgjithshme për të parë më tej se cili do të jetë fati i dy prokurorëve të Krimeve të Rënda Vladimir Mara dhe Dritan Prençi./CNA.al

 





Lajmet e fundit nga