web counter
LEXO PA REKLAMA!

SHKARKO APP

App Store
Google Play

Tragjedia e paralajmëruar në minierën e Cerujës dhe politikanët që solidarizohen me pronarët e galerive të vdekjes

13 Prill 2018, 18:28, Aktualitet CNA

Pas aksidentit fatal në minierën e kromit në Klos, ka reaguar edhe Konfederata e Sindikatave të Shqipërisë.

Nëpërmjet një njoftimi për shtyp, KSSH shpreh ngushëllime familjarëve të viktimës, ndërsa dënon heshtjen e të zgjedhurve vendor në Dibër. Sipas tyre, kushtet dhe siguria teknike në minierat e vendit lënë për të dëshiruar, dhe çdo ditë rrezikohet jeta e qindra personave.

Deklarata e plotë:

Minierat e shqiptare vijojnë të shkaktojnë tragjedi, ku viktima e radhës është një 54 vjeçar, që ndërroi jetë pas një shpërthimi në minierën kromit në Cerujë të Matit.

Konfederata e Sindikatave të Shqipërisë i shpreh keqardhjen familjes së viktimës dhe dënon heshtjen e të zgjedhurve lokale e vendore të Qarkut të Dibrës përballë kësaj tragjedie, që rrezikon të përsëritet nëse nuk merren masat në kohën e duhur.

Këta të zgjedhur politik nuk solidarizohen me familjet e viktimave por me pronarët e minierave të vdekjes, shumë prej të cilëve duhet të jenë pas hekurave.

Kushtet e Sigurisë Teknike në shumë miniera të vendit lënë për të dëshiruar, teksa jeta e punonjësve të minierës është çdo ditë e rrezikuar.

Kontrollet e Inspektoriatit të Punës janë një farsë, që shkojnë deri tek bakshishi në kafenë e fshatit ose të qytezës.

Sipas shifrave që Konfederata e Sindikave disponon në galeritë e nëntokës shqiptare për shkak të incidenteve në punë kanë humbur jetën rreth 480 minatorë dhe rreth 500 të tjerë kanë mbetur të gjymtuar, e kjo tablo vijon edhe në vitin 2018

Konfederata e Sindikatave të Shqipëri i bën apel Ministrisë së Industrisë dhe Energjitikës të vihet në lëvizje dhe të miratohet sa më shpejt projektdrafti i statusit të minatorit hartuar nga KSSH. /CNA.al





Lajmet e fundit nga