web counter
LEXO PA REKLAMA!

SHKARKO APP

App Store
Google Play

Miqtë francezë të familjes Sazexhiu mundin dyshen Collomb-Bushati

12 Prill 2018, 08:52, Kronika CNA

Siç informuam edhe në një shkrim tonin të mëparshëm familja shqiptare Sazexhiu rezikonte dëbimin nga Franca në 11 prill 2018.

Pas vizitave reciproke të ministrit Bushati në Francë dhe ministrit të brendshëm francez Collomb në Shqipëri autoritet shqiptare inkurajuan autoritetet franceze të dëbonin për në Shqipëri azilkërkuesit shqiptarë me sebepin legaj, që Shqipëria është vend i sigurtë, kështu që shqiptarët nuk meritojnë azil në BE.

Familja Sazexhiu prej 5 anëtarësh babi Myslymi, mami Anjeza dhe 3 fëmijë Kostandini 6 vjec, Kristiani 2 e gjysëm dhe Leoneli vetëm 5 muajsh, kur kishte humbur cdo shpresë për të qëndruar në Francë papritmas pati krah solidaritetin dhe mbështetjen e miqve francezë.

Për të përkrahur qëndrimin e tyre në Francë miqtë francezë, nënshkruan peticione me mbi 1 000 firma. Organizuan demonstratë proteste si edhe lobuan fort te deputetët, senatorët lokalë si edhe te Kryetari i Departamentit të Bretanjës, Loig Chesnais Girard.

Në krye të kësaj lëvizjeje popullore pro familjes Sazexhiu ishte vetë kryebashkiaku i qytetit të La Bauwxiere. Pas gjithë këtyre përpjekjeve prefekti Mirmand duke ushtruar kompetencat, që i jep pozicioni i prefektit nënshkroi një urdhër ekzekutiv, që pezullon dëbimin për në Shqipëri të familjes Sazexhiu.

Në rastin e familjes së përvuajtur Sazexhiu humanizmi i francezëve të thjeshtë si edhe deputetëve, senatorëve, prefektit e kryetarit të qarkut fitoi mbi kalkulimet e ftohta sa politike aq cinike të ministrave Bushati dhe Collomb./Gjergj Thanasi





Lajmet e fundit nga