web counter
LEXO PA REKLAMA!

SHKARKO APP

E fundit!

x

Gjermani, arrestohen 11 narkotrafikantë shqiptarë

10 Prill 2018, 11:08, Kronika CNA

Policia gjermane vetëm në 10 prill bëri të ditur për publikun rezultatet e një operacioni të gjerë antidrogë të ndërmarrë në Frankfurt mbi Majn në 5 prill. Rreth 50 policë të armatosur rëndë me automjete dhe 2 qen antidrogë kryen bastisje në 7 banesa dhe aktivitete tregtare në Frankfurt.

Si rezultat i punës së mirë operative paraprake në këto bastisje u kapën 25 kg heroinë, 1,6 kg kokainë, thuajse 4 kg kanabis si edhe 700 gramë të drogës së njohur me emrin krak. Narkotrafikantëve iu sekuestruan edhe rreth 17 000 euro kesh në monedha dhe në kartmonedhë, para këto që besohet se janë siguruar nga trafiku i drogës.

Polica arriti të arrestojë 11 shqiptarë të përfshirë në këtë aktivitet droge me detyra si shpërndarës, si strehues apo si korrierë droge ose parash të fituara nga shitja e drogës. Polica gjermane po heton për të zbuluar si silleshin në Gjermani të tilla sasi të mëdha kokaine nga Holanda dhe heroine e kanabisi nga Shqipëria.

Policia gjermane shpreson, që me ndihmën e kolegëve shqiptarë të godasë edhe paratë e drogës së këtij grupi kriminal, para të cilat janë investuar në Shqipëri me qëllim edhe pastrimi. Për shkak të sekretit hetimor policia gjermane nuk ka bërë publikë emrat e të arrestuarve./Gjergj Thanasi





Lajmet e fundit nga