web counter
LEXO PA REKLAMA!

SHKARKO APP

App Store
Google Play

Protestat/ Paralajmëron Duka: Nëse qeveria nuk reagon …

9 Prill 2018, 18:38, Politikë CNA

Kreu i PAA-së, Agron Duka, i ftuar në rubrikën “Mbrëmja ABC” në ABC News, ka folur për protestën e paralajmëruar nga biznesi ditën e nesërme, me qëllim kundërshtimin e TVSH-së.

Duka ka thënë se opozita do të jetë në mbështetje të popullit dhe kauzave të tij, ndërsa ka paralajmëruar se nëse qeveria nuk reagon, do të shkohet deri në mosbindje civile.

“Ne jemi në mbështetje të problemeve dhe më vonë duke parë një reagim jo pozitiv të qeverisë do arrijë në përshkallëzimin më tej të protestave, do arrijmë deri  në atë që kemi thënë, mosbindje civile”.

I pyetur nga gazetarja nëse opozita duhet të ketë një program dhe jo vetëm moton “është populli që po na udhëheq”, Duka është përgjigjur “patjetër duhet që opozita të ketë një program. Ne e kemi pyetur dhe vetë zotin Basha, nëse ju vini në pushtet dhe nesër mund të jeni Kryeministër si do veproni me taksat? dhe Basha na është përgjisgjuir se, ne jemi për taksën e sheshtë dhe uljen e saj në përgjithësi. Mund të them se përderisa jemi bashkë mund të arrijmë rezultate pozitive”.

Kujtojmë këtu se ditën e nesërme bizneset në kryeqytet kanë lajmëruar mbylljen e qepenave nga ora 11:00-12:00, në shenjë protestë kudër taksës së vendosur për biznesin. /CNA.al





Lajmet e fundit nga