E fundit!

10:27 Opinione Luan Rama

Teza serbe e “Mercenarëve të UÇK-së” dhe marrëzitë e zëdhënësve të saj në Tiranë

Gjetja apo sajimi, e më pas edhe përdorimi publik i një ki...

Sihariq për Shqipërinë nga minsitri kroat i Mbrojtjes

6 Prill 2018, 11:07, Politikë CNA

Ministri kroat i Mbrojtjes, Damir Krsticevic në një dalje të përbashkët për mediat me homologen shqiptare Xhaçka i bëri me dije publikut shqiptar disa kumte të rëndësishme. Ndryshe nga ?përrallëzat? për të ashtuquajturën ?smart defense? që ish-paraardhësi Kontromanovic tregonte në takime me ?geishën? Kodheli, gjenerali hero i Brigadës së Katërt të Gardës Kroate e vuri gishtin në plagë.

Së pari: Ai këmbënguli, që shtatmadhoritë kroate dhe shqiptare (vrhovni stab) të fillojnë bisedimet teknike. Theksojmë se 115 vjet më parë ishin bisedimet teknike midis shtamadhorive të Perandorisë Britanike dhe të Republikës Franceze, që i vunë kufirin te thana ekspanzionizmit të Rajhtut të Dytë të Perandorit Vilhelm. Të tilla bisedime bëjnë pjesë në paketën e përgjigjes kroate për armatimet thuajse moderne, që Rusia putiniane po furnizon Serbinë e Vuçiçit, Sashës mikut të kryeministrit Edvin.

Së dyti: Forca ajrore kroate në partneritet strategjik me Izraelin është e gatshme të zëvendësojë Greqinë përsa i përket policimit ajror të hapësirës shqiptare. Gjeneral-minsitri kroat madje informoi mediat shqiptare se Kroaica është në bisedime me Malin e Zi edhe për policimin e hapsirës ajrore malazeze nga avionët kroatë. Nëse kryeministri Edvin nuk vazhdon t?i bëjë lëshime Greqisë, që prekin edhe sovranitetin e Shqipërisë, ka shumë të ngjarë që shumë shpejt avionët grekë të vjetëruar F -16 Block 30 apo edhe vjetërsirat teknologjike si F 5 të kohës së Luftës së Vjetnamit, të mos policojnë më hapsirën ajrore të Shqipërisë. Kroacia edhe me MIG 21 Bis UMD të modernizuar nga rumunët dhe ukrainasit është e gatshme si të thuash që nesër të bëjë policimin ajror të hapsirës sovrane shqiptare në bashkëpunim me Typhoon-et dhe Tornado-t italianë.

Në bashkëpunim me partnerët strategjikë izraelitë avionët kroatë F- 16 C/D Barak Block 30 do të jenë mëse të mjaftueshmë për një detyrë të tillë, e cila kuptohet që do të ketë edhe një funksion frikësues (deterrence) antiserb. Për më shumë, nëse pushtetarët në Tiranë tregojnë një minimum patriotizmi në këtë drejtim nga Kroacia Shqipëria mund të përfitojë një ndihmë të shpejtë dhe efikase për shuarje zjarresh me avionët modernë kroatë AT-802.

Së treti interesant ishte fakti, që gjeneral-ministri kroat, shprehu përkrahjen për propozimin e tipit Zoti na ruaj (hare brained sic thonë anglezët) për ngritjen në Shqipëri të një qendre ndërkombëtare deradikalizimi të ?luftëtarëve të huaj?, që po kthehen pas zhdukjes nga harta të të ashtuquajturit Shteti islamik i Kalifit Al Bagdati. Me sa shihet qeveritarët shqiptarë ende i qëndrojnë idesë për ta shndërruar Atdheun tonë në një kosh pehrash njerëzore, ku pas Muxhahedinëve iranianë të MEK të strehohen edhe qindra e qindra vejusha e jetimë të terroristëve të Daeshit të vrarë në fushë betejat në Irak e në Siri! Le të shpresojmë, që sa më shpejt të jetë e mundur avionët kroatë Falcon (Skifterë) me pilotë kroatë e me instruktorë izraelitë të patrullojnë e të kryejnë policim ajror të hapsirës ajrore shqiptare.

Sa për cfarë tha homologia Xhacka për mediat nuk ia vlen barra qiranë të drobisim durimin e lexuesit, sepse ajo është vetëm një marionetë, të cilën kryeminsitri Edvin e bëri ministre, sepse thjesht zëvendësoi një ?geishë? plakë, që nuk ia firmosi letrat e dhurimit të Sazanit dhe Karaburunit shqiptaro-amerikanit Sel Rusi me një ?geishë? të re, që një firmë të tillë nuk e ka hic problëm ta hedhë me urdhërin më të parë të Ramës. Kjo historia e Sel Rusit, blerësit të biletave të ndeshjeve të basketbollit në SHBA për ciftin Rama-Basha dhe gllabërimit të Sazanit e Karaburunit është lënë për një tjetër shkrim investigativ. /GJERGJ THANASI /CNA.al