web counter
LEXO PA REKLAMA!

SHKARKO APP

App Store
Google Play

E fundit!

x

Lubonja paralajmëron rikthimin e 97'-ës

6 Prill 2018, 16:03, Aktualitet CNA

Analisti Fatos Lubonja, në një lidhje me skype për rubrikën “Opinion” në televizionin News24, ka komentuar protestën e opozitës kundër rritjes së taksave dhe thirrjes e saj për mosbindje civile. Sipas tij tërheqja e Ramës nga taksa pa e gjetur një zgjidhje për banorët e Kukësit, është shenjë e frikës nga dhuna e jo nga opozita.

Sipas Lubonjës, ?Nuk rrezikohet pushteti i Ramës nga tensioni i krijuar. Është një sistem që nëse vazhdon kështu do sjellë një katrahurë. Me këto metoda nuk shkohet kurrkund përveçse greminës. Ekzistenca e çdo opozite është se sado e vogël të jetë ajo, është më mirë se të mos jetë fare. Opozita nuk është çliruar nga akuzat. Rama ka kapur policinë dhe prokurorinë?.

Teksa komentoi mosbindjen civile, Lubonja tha se është shkalla e fundit para një revolte si ajo e 97′-ës.

?Mosbindja civile është pjesë e demokracisë. Kjo nuk është për të sjellë Bashën në pushtet, por për të shpëtuar fëmijët. Nuk është vetëm Kukësi, por e gjithë Shqipëria dhe duhen protesta sa më të gjëra. Dhuna nuk është e nevojshme nëse njerëzit bashkohen. Kuptimi i kësaj mosbindjes civile është se nuk ka mbetur mjet tjetër për të vepruar. Ata arrestojnë njerëzit për djegien e një kabine. Mosbindja çivie mendoj se është shkalla e fundit përpara një revolte siç ka ndodhur në Tunizi apo siç ndodhi në 1997 në Shqipëri?- tha Fatos Lubonja. /CNA.al





Lajmet e fundit nga