E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

Kryeministri thirret të dëshmojë për sulmin ndaj Kuvendit të Maqedonisë

6 Prill 2018, 18:58, Aktualitet CNA

Kryeministri i Republikës së Maqedonisë, Zoran Zaev është thirrur të dëshmojë rreth sulmit që një grup huliganësh nacionalistësh ndërmorrën ndaj Kuvendit të Maqedonisëm ku më i dëmtuari ishte deputeti Ziadin Sela, ngjarje e ndodhur në 27 prill 2017.

Raportimi vjen nga “Portalb.mk”, sipas të cilit: propozimi që në rastin e Ziadin Selës të dëshmojë edhe Zoran Zaev ka ardhur nga avokati mbrojtës pas deklaratave të Zaevit të dhëna në publik dhe media për rastin e sulmit të 27-prillit. Zaev duhet të tregojë se çfarë ka parë atë ditë në Kuvendin e Maqedonisë.

Gjykatësja që udhëheqë me rastin gjyqësor të Ziadin Selës, Sllavica Andreevska për në prill ka caktuar pesë seanca edhe atë më: 10, 16, 18, 25 dhe 27 prill.

Seanca e fundit për sulmin ndaj Ziadin Selës u mbajt më 19 mars dhe në të dëshmoi dëshmitari i cili me detaje e përshkroi rastin se si Sela është evakuuar. Ai shpjegoi se e kanë marrë nga press qendra dhe e kanë dërguar në Klubin e deputetëve, ku e ka kontrolluar infermierja e cila u ka thënë se është shumë i lënduar si dhe është e mundur të ketë gjakderdhje të madhe në tru dhe se urgjentisht duhet të thirret ndihma e shpejtë.

?Nga Ndihma e Shpejtë na thanë të gjindemi vetë disi, pastaj e maskuam atë si polic që ta nxjerrim?, ka thënë dëshmitari.

Deputeti Ziadin Sela në natën e 27 prillit, në sallën e Kuvendit është goditur me monitor, shtizë flamuri dhe me dërrasë nga dhunuesit, të cilët tani akuzohen për tentim vrasjen e tij.

Sela ka deklaruar se kërkon më së paku 500 mijë euro dëmshpërblim për sulmin ndaj tij. Avokati i tij, Abedin Abduli, tha se në këtë shumë janë përfshirë harxhimet për mjekim dhe dhimbjet fizike, dëmtimet në tru, frika e shkaktuar si dhe cënimi i identitetit personal.

Më 27 prill bëhen një vit nga terrori i 27-prillit ku më vitin 2017 u sulmua Kuvendi i Maqedonisë nga protestuesit të ?Për Maqedoni të përbashkët? si shenjë revolte për emërimin e Talat Xhaferit si kryetar i Kuvendit të Maqedonisë. Në këtë sulm të përfshirë ka pasur edhe funksionarë të lartë shtetëror dhe partiak.