E fundit!

16:27 Politikë

Tipologji e re e menaxhimit të plazhit publik/ Çfarë përcakton vendimi i qeverisë

Qeveria shqiptare ka miratuar shtimin e një tipologjie të ...

Video-“Forca e Ligjit” shkatërron grupin kriminal/ Sekuestrohen cigare, automjete dhe para, 17 të arrestuar

5 Prill 2018, 12:21, Kronika CNA

Operacioni ?Forca e Ligjit? ka godit një tjetër grup të strukturuar kriminal që operonte në Tiranë në fushën e kontrabandës me mallrat e akcizës. Në pranga janë vënë 17 persona, ndërsa 5 të tjerë janë shpallur në kërkim.

Të ndaluarve u janë sekuestruar disa mallra, si: kafe, koli me cigare, automjete, si dhe shuma të mëdha lekësh.

Njoftimi i policisë:

Operacioni ?Forca e Ligjit? godet një tjetër grup të strukturuar kriminal që operonte në Tiranë në fushën e kontrabandës

Në kuadër të operacionit ?Forca e Ligjit?, Seksioni për Krimin Ekonomik dhe Financiar në D.V.P. Tiranë, në bashkëpunim me Prokurorinë e Rrethit Gjyqësor Tiranë dhe Forcën e Posaçme për Operacione Speciale në D.V.P Tiranë, finalizoi me sukses operacionin ?Kontrabanda 2018?. Grupi ndiqej prej disa muajsh me metoda speciale të hetimit.

Në kuadër të këtij operacioni u bë ndalimi i 17 shtetasve në kryeqytet, mes tyre të proceduar edhe më parë:

Janë shpallur në kërkim edhe 5 persona të tjerë, por për shkak të specifikës së hetimit nuk bëhen të ditura gjeneralitetet.

Arrestimi i anëtarëve të dyshuar të këtij grupi kriminal, u bë pasi në bashkëpunim me njëri-tjetrin kryenin aktivitetin e kundraligjshëm për veprat penale ?Kontrabandë me mallra për të cilat paguhet akcizë ose pezullim të plotë apo të pjesshëm, nga detyrimet doganore ose të akcizës dhe tregtim transportim i mallrave që janë kontrabandë?, parashikuar nga nenet 178/3 dhe 172/2 të Kodit Penal.

Çdonjëri prej të ndaluarve kishte funksione dhe role të caktuara në këtë veprimtari si financues, transportues, tregëtues dhe apo magazinues malli.

Gjatë kontrollit në njësi tregtare, dyqane, lokale, magazina, banesa, kioska, Policia gjeti dhe sekuestroi në cilësinë e provave materiale:

Materialet proceduriale i kaluan Prokurorisë pranë Gjykatës së Shkallës së Parë Tiranë, në ngarkim të shtetasve të mësipërm, për veprat penale të ?Kontrabanda me mallra për të cilat paguhet, akcizë ose pezullim të plotë apo të pjesshëm, nga detyrimet doganore ose të akcizës dhe tregtim, transportim i mallrave që janë kontrabandë dhe Shkelje të Drejtave e Pronësisë Industriale?.

Policia e Shtetit në bashkëpunim me Prokurorinë po vijon punën intensive në kuadër të Operacionit ?Forca e Ligjit?, për realizimin e plotë të objektivit për shkatërrimin e të gjitha grupeve të skeduara kriminale dhe sekuestrimin e aseteve të tyre financiare.