web counter
LEXO PA REKLAMA!

SHKARKO APP

App Store
Google Play

Protesta para Drejtorisë së Policisë/ Procedohen 8 qytetarë

2 Prill 2018, 13:28, Kronika CNA

Tetë qytetarë që morën pjesë në protestën e sotme para Drejtorisë së Policisë së Tiranës, janë proceduar penalisht me pretendimin se kanë protestuar në mënyrë të paligjshme.

Protesta që nisi pasditen e djeshme ishte vazhdim i tubimit në Kukës, ku qytetarët kundërshtuan tarifen për Rrugën e Kombit, ndërsa aksioni vijoi edhe sot.

Qytetarët, mbështetur edhe nga deputetë të opozitës qëndruan para ambienteve të Drejtorisë së Policisë, ndërsa kërkonin lirimin e 23 qytetarëve të arrestuar pas protestës së dhunshme në Kukës.

Protestuesit me pankarta në dorë dhe me thirrjet ?Rama ik, rinisën aksionin e tyre që në orën 9:00 të mëngjesit të sotëm, por policia nuk e ka gjykuar të drejtë veprimin e tetë prej protestuesve.

Komisariati nr. 3
Më datë 02.04.2018, u referuan materialet në Prokurorinë pranë Gjykatës së Shkallës së Parë Tiranë, për shtetasit A.T., A.L., G.Gj., B.P., B.Gj., E.P., E.H., dhe A.K., vjeç 46, 30, 30, 38, 49, 35, 46 e 39, pasi dyshohet se në rrugën ?Sami Frashëri?, në hyrjen kryesore të DVP Tiranë, kanë protestuar në mënyrë të paligjshme në lidhje me arrestimin e disa personave të ndaluar nga Prokuroria e Rrethit Gjyqësor Kukës. Neni 262 i Kodit Penal.





Lajmet e fundit nga