E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

Abuzimet me pronat/ Vlahutin me urgjencë drejt Vlorës

27 Mars 2018, 10:28, Aktualitet CNA

Bashkimi Evropian ka ofruar mbështetje për zgjidhjen e problemit me pronën private në vendin tonë. Nga qyteti i Vlorës, ambasadorja e BE, Romana Vlahutin, deklaroi se BE do të angazhohet për të gjetur një zgjidhje të përshtatshme lidhur me çështjen e pronës private.

?Më vjen mirë që kthehem në Vlorë, në një ndërtesë të rikonstruktuar. Arsyeja pse jemi këtu është për të parë disa projekte. Sot do të merrem me një çështje që është shumë larg axhendës sonë, por që është në axhendën e qeverisë dhe të qytetarëve, që është çështja e pronës. Falënderoj ministren e Drejtësisë, do kemi takime me një sërë institucionesh, që kanë lidhje me çështjen e pronës. Ne si BE duam të angazhohemi për të gjetur një zgjidhje të përshtatshme lidhur me çështjen e pronës private?.

Përkrah ambasadores Vlahutin në Vlorë është edhe ministrja e Drejtësisë, Etilda Gjonaj, e cila deklaroi se gjatë ditës së sotme do të zhvillohen një sërë takimesh për të nxjerrë dhe problematikat kryesore të pronave,shkruan shqiptarja.com.

?Pranova të jem prezente me ambasadoren e BE në Vlorë, pasi është pikërisht çështja e pronave që bashkon Shqipërinë dhe misionin që do të ndërmarrë delegacioni i BE në Shqipëri. Së fundi, janë zhvilluar një sërë veprimesh ligjore dhe administrative lidhur me çështjen e pronës, ku edhe sot në takimet që do të kemi me administratën e dy agjencive kryesore të pronave do të nxjerrim shumë problematika?,

Nga ana e saj, Qeveria ka vendosur pezullimin përkohësisht të regjistrimit të pronave në bregdet dhe reformës së tokës në tërësi, pas abuzimeve të panumërta dhe grabitjes së mijëra ha tokë në bregdet. Ministrja e Drejtësisë, Etilda Gjonaj komunikoi gjatë një deklarate për mediat në krah të kreut të ALUIZNI-t, Artan Lame dhe atij të Hipotekës, Elion Semanaj, këtë masë të vendosur nga qeveria. Ajo sqaroi se VKM-ja nuk cenon pronarët e ligjshëm, por do kalojnë në sitë të gjithë titujt e lëshuar në zonat bregdetare.