Shqipëri-Kosovë, “luftë” tregtare midis dy shteteve

26 Mars 2018, 18:00, Aktualitet CNA

Prodhuesit kosovarë edhe më tutje nuk po mund t?i thyejnë barrierat kufitare të vendosura nga autoritetet shqiptare për t?i eksportuar lirshëm produktet e tyre në tregun shqiptar. Por e njëjta nuk ndodh edhe për prodhuesit shqiptarë, të cilët edhe më tutje pa asnjë pengesë eksportojnë prodhimet e tyre në tregun kosovar, shkruan sot Gazeta “Zëri”

Duke u bazuar në të dhënat zyrtare të Ministrisë së Tregtisë dhe të Industrisë (MTI), vijon më tej ?Zeri?, shihet se mbi 1000 kompani nga Shqipëria ushtrojnë suksesshëm veprimtaritë e tyre biznesore në vendin tonë. E në anën tjetër të kufirit numri i bizneseve kosovare nuk është as dyshifror.

Të dhënat e marra nga Dogana e Kosovës edhe më shumë konfirmojnë ?luftën? tregtare në mes të dyja shteteve shqiptare. Gjatë vitit që lamë pas kompanitë kosovare eksportuan në Shqipëri produkte në vlerë prej 60 milionë eurosh derisa ato të Shqipërisë në sollën në Kosovë prodhime në vlerë prej më shumë se 150 milionë eurosh.

Ashtu sikurse edhe viteve të kaluara, hekurishtet dominojnë në eksportin e Kosovës në këtë shtet derisa për import dominojnë metalet e gatshme, siç është armatura.

Duke u bazuar në të dhënat zyrtare të Doganës së Kosovës shihet se gjatë vitit që lamë pas Kosova në Shqipëri ka eksportuar hekurishte në vlerë prej 20 milionë euro derisa ka importuar hekur të gatshëm në vlerë prej mbi 62 milionë euro.

Po ashtu, gjatë vitit që lamë pas nga Kosova për në Shqipëri janë eksportuar mobilieri në vlerë prej 750 mijë eurosh derisa nga ky shtet në vendin tonë janë importuar mobilieri në vlerë prej më shumë se 3.3 milionë euro.

Në kategorinë doganore të identifikuar si ?Zarzavatet e ngrënshme? gjatë vitit që lamë pas Kosova në Shqipëri eksportoi produkte në vlerë prej 1.4 milion euro e derisa në anën tjetër Shqipëria importoi në Kosovë produkte në vlerë prej 7.3 milionë euro. Gjithnjë duke u bazuar në të dhënat zyrtare shihet se brenda një viti prodhuesit kosovarë në Shqipëri kanë eksportuar pije alkoolike në vlerë prej 7.3 milionë euro, produkte të plastikës në vlerë prej 4.3 milionë eurosh, produkte të industrisë bluarëse 4 milionë euro, alumin në vlerë prej 2.8 milionë eurosh, artikuj prej guri 1.3 milion euro, letra dhe karton në vlerë prej 1 milion eurosh, mbetjet dhe kthimet nga industritë ushqimore 1 milion euro, si dhe 10 produkte tjera ku vlera totale e eksportit brenda një viti sillet nga 960 mijë deri në 325 mijë euro?