web counter
LEXO PA REKLAMA!

SHKARKO APP

App Store
Google Play

E fundit!

x

Krimi dhe droga “mbysin” Fatmir Xhafajn

25 Mars 2018, 09:17, Aktualitet CNA

Në shtator të vitit 2017, Fatmir Xhafaj është zgjedhur në krye të Ministrisë së Brendshme.

Pak kohë pasi mori detyrën ai doli nën sloganin ?Forca  ligjit?, duke trumbetuar se do të luftohej pa kompromis krimi i organizuar dhe korrupsioni.

Por, pavarësisht operacioneve të fundit policore, si zbardhja e rastit të trafikimit të qenieve njerëzore, krimi në vend, nuk ka ndryshuar  kurs, madje janë rritur vrasjet, grabitjet, shpërthimet me eksploziv, trafikimi i lëndëve narkotike etj.

Çdo ditë ka grabitje, përtej atyre që bën publike policia. Çdo ditë rrugëve të Evropës kapet drogë, Policia Kufitare thuajse nuk ekziston, pasi  nga të gjitha drejtimet kapet drogë që del nga Shqipëria.

Vetëm në tre muajt e fundit të vitit 2017, kohë kur Fatmir Xhafaj drejtonte Ministrinë e Brendshme, sipas INSTAT, numri i veprave penale të evidentuara për vjedhje banese, është 300, duke shënuar një rritje me 15,8 %, krahasuar me të njëjtën periudhë të një viti më parë.

Më poshtë po sjellim disa nga ngjarjet më të bujshme që kanë ndodhur  pasi Xhafaj ka marrë detyrën e Ministrit të Brendshëm dhe deri më sot.

Që nga shtatori i vitit 2017 dhe deri më tani, janë regjistruar të paktën 17  krime të rënda, si vrasje, grabitje dhe shpërthim me eksploziv.

Ngjarjet e rënda në shtatë muaj

Më 23 Shtator 2017 xhaxhai vrau nipin. Bujar Kuçi, 62-vjeç nga Shkodra goditi disa herë me thikë nipin e tij Mirsad Kuçi.

Më 24 Shtator 2017 Bashkim Mekolli nga fshati i Blacë i Pogradecit vrau gruan.

Pasditen e 11 tetorit 2017 dy të rinj humbën jetën në një atentat në Lushnje, Jurgen Hoxha dhe Zamir Latifi dhe dy të tjerë u plagosën.

Më 23.11.2017, në fshatin Karpen të Kavajës, Sami Metushi ka qëlluar dhe vrarë me thikë bashkëshorten e tij, Sose Metushi.

Më 27 Nëntor 2017, nga një atentat me tritol, në Vlorë Ines Hajrulla humbi gjymtyrët

Më 9 dhjetor 2017 u vra në Lezhë, Aleksandër Ndoka,

Më 17.12.2017, në Shkodër u vra  32 vjeçari Angjelin Shkami. Viktima është qëlluar në makinën e tij nga persona ende të paidentifikuar.

Më 24 Dhjetor 2017 Selman Aliajn, 28-vjeç masakroi babain dhe trupin e hodhi në liqen.

Më 13 janar 2018, një shpërthim me tritol  ka tronditur lagjen ?Rus? në Shkodër ku për pasojë kanë mbetur të plagosur 6 persona.

Më 14 janar 2018, në Tiranë është ekzekutuar në makinën një 32-vjeçar, ndërsa një tjetër ka mbetur i plagosur.

Më 21 janar 2018, një 21-vjeçare nga qyteti i Fierit, studente për Drejtësi në kryeqytet, është vrarë me armë zjarri nga një bashkëqytetar i saj 23-vjeçar.

Më 29 janar 2018, është vrarë Deivi Kasmi në Tiranë.

Më 9 shkurt 2018, një person i maskuar dhe me armë në dorë ka grabitur një karburant. Ngjarja në zonen e Bathores në periferi të Tiranës.

Më 14. 2.2018 Afrim Begalla 65 vjeç nga Tepelena është vrarë poshtë pallatit.

Më 2 mars 2018, një 16 vjeçar ka mbetur i plagosur me thikë mesditën e sotme në qytetin e Durrësit.

Më 20 mars 2018, një vrasje me armë zjarri ka ndodhur në orët e para të mëngjesit në Maqellarë të Dibrës. 32 vjeçari me inicialet E.K është gjetur i vrarë me armë në oborrin e banesës së tij.

Më 23.03.2018, në Fier ka ndodhur një grabitje dhe për pasojë një person ka mbetur i vdekur nga shkëmbimi i zjarrit me policinë./CNA.al

 

 

 





Lajmet e fundit nga