E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Maqedoni/ Debati për emrin dhe gjuhët, ngecin reformat në siguri

24 Mars 2018, 21:15, Aktualitet CNA

Ekspertët vlerësojnë se Qeveria ka ngecur në zbatimin e reformave në organet e sigurisë. Duke qenë se ndodhemi në periudhën pranë rekomandimeve të Komisionit Evropian, ekspertët theksojnë se sikur edhe sot të miratohen ligjet e sferës së sigurisë, për zbatimin e tyre në praktik nevojitet shumë kohë. Profesori Bashkim Selmani thekson se reformat në siguri duhet të zbatohen paralelisht me ato në gjyqësor.

Kjo vonesë e ligjeve dhe ndryshimeve të tyre mund të sjell akoma më shumë pasoja sepse nuk ka një datë saktë se kur do të mbaroj çështja e emrit. Sa më shumë që vonohen aq më shumë do të rrezikohen liritë dhe të drejtat e njeriut dhe proceset e tjera të cilat kanë të bëjnë drejtpërdrejtë me ligjet dhe çështjet e sigurisë ? deklaroi Bashkim Selmani, Ekspert i sigurisë.

Por, zëvendësministri i Brendshëm, Agim Nuhiu, dikasteri i të cilit është përfaqësues i organit ekzekutiv në ligjvënës thekson se MPB-ja në kohë ka adresuar propozim-ndryshimet e nevojshme, por se fjala e fundit pritet nga Kuvendi. Nuhiu apelon që ligjet reformuese të miratohen në kohë, me qëllim marrjen e rekomandimit pozitiv.

Sa i përket reformave sipas planit 3-6-9, qoftë kur kemi të bëjmë me përgatitjen e pakos së ligjeve sistemore të reja, ose kur kemi të bëjmë me ndryshimet e ligjeve ekzistuese në fushën e drejtësisë penale dhe në fushën e ndjekjes së telekomunikimeve si dhe të përcaktimit të mekanizimit të kontrollit të jashtëm për shërbimet e policisë. Sigurisht që për të pasur epilog pozitiv dhe rezultate tjera strukturore dhe institucionale do të duhet që këto ligje të marrin dritë jeshile edhe nga Kuvendi dhe kjo varet nga vullneti i grupimeve politike në Kuvend ? tha Agim Nuhiu, Zëvendësministër i Brendshëm.

Aktualisht në procedurë parlamentare ndodhen disa ligje që kanë të bëjnë me sistemin e sigurisë. Kuvendi ka miratuar vetëm nevojën e Ligjit për polici, Ligjit për Punë të Brendshme, Ligjit për ndjekje të komunikimeve elektronike dhe Ligjit për Agjencinë Teknike Operative. Dy të fundit janë pjesë e negociatave në grupet e punës mes LSDM-së dhe VMRO-DPMNE-së të cilat si qëllim kanë arritjen e konsensusit për miratimin e ligjeve dhe ndryshimeve ligjore të cilat kërkojnë 2/3 e votave. Deri më tani, shumica dhe opozita kanë gjetur gjuhë të përbashkët në ligjet mbi gjyqësorin si ai për dëshmitarët e mbrojtur si dhe Ligjin për ATO-në./alsat-m/