web counter
LEXO PA REKLAMA!

SHKARKO APP

Godet me thikë dy persona/ Në pranga 27-vjeçari

22 Mars 2018, 13:53, Kronika CNA

Specialistët e Seksionit për Hetimin e Krimit, në Komisariatin e Policisë Elbasan bënë arrestimin në flagrancë të shtetasit:

Policia e Elbasanit ka bërë të mundur arrestimin në flagrancë të një 27-vjeçari, i cili akuzohet se ka goditur me thikë dy persona.

Mësohet se i arrestuari është shtetasi Klajdi Myrta, 27 vjeç banues në fshatin Shushicë.

Uniformat blu bëjnë të ditur se arrestimi i tij, u bë pasi në fshatin Shushicë për motive të dobëta dyshohet të ketë goditur me mjet të mprehtë (thikë)  shtetasit F.Y., 70 vjeç dhe L.Y., 56 vjeç  banues në fshatin Shushicë dhe më pas është kapur nga shërbimet e policisë duke drejtuar në gjendje të dehur motorçikletën pa targa dhe pa leje drejtimi.

Dy të dëmtuarit, u dërguan për ndihmë mjekësore në spitalin Kirurgjik Elbasan dhe ndodhen jashtë rrezikut për jetën.

Në cilësinë e provës materiale i është sekuestruar motorçikleta dhe dy thikat.

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Plagosja e lehtë me dashje”  dhe ?Drejtimi i automjetit në gjendje të dehur apo pa dëshmi? parashikuar nga nenet 89 dhe 291 të Kodit Penal./ CNA.al





Lajmet e fundit nga