E fundit!

21:28 Politikë

Votimi për strukturat drejtuese/ Berisha: Kemi ekipin më të mirë në historinë e PD-së

Kreu i Partisë Demokratike, Sali Berisha, ka folur për med...

Njihuni me spiunet femra që ndryshuan historinë

20 Mars 2018, 11:25, Lifestyle CNA

Luftërat e spiunëve janë të vjetra sa bota, aq sa amerikanët e quajnë spiunazhin si ?zanatin e dytë më të vjetër të botës?.

Rasti i helmimit të spiunit rus Sergej Skripal ka tronditur sallonet kancelaritë europiane, duke futur në sherr Londrën me Moskën, por ai nuk ishte as i pari as i fundit.

Pas Luftës së Dytë Botërore, Mi6-a britanike, CIA amerikane, KGB-ja sovjetike dhe Mossad-i izraelit, janë ndër shërbimet sekrete më të fuqishëm dhe më aktive.

Megjithatë, lufta e spiunazhit është dominuar nga 5 femra të fuqishme, që arritën të ndryshonin njëhëre e përgjithmonë marrëdhëniet mes kombeve.

1-Anna Chapman

Në vitin 2010, Sergej Skripal dhe 4 rusë të dënuar për lojë të dyfishtë spiunazhi u shkëmbyen në Vjenë, një tjetër qytet i njohur për shkëmbimin e spiunëve, me 10 agjentë rusë të kapur në SHBA.

Më e famshmja ndër to qe Anna Chapman (e kuqja), e arrestuar në SHBA për spiunazh dhe e dënuar me burgim të përjetshëm.

Pas kthimit në Rusi, Chapman u bë një person i famshëm, prezantuese televizive dhe modele; por ajo që e rriti edhe më bujën e Anës ishte afera e dashurisë me Edward Snowden, ish-agjentit të CIA-s që u dha rusëve sekretet më të mëdha të qeverisë amerikane.

2. Melita Norwood (1912-2005)

Në dukje ajo ishte asistentja e pafajshme e drejtorit të një prej qendrave të kërkimit atomik në Britani, që në fshehtësi ia kalonte sekretet e bombave atomike Rusisë për 37 vjet, para se të identifikohej në vitin 1999. Vajza e një babai nga Letonia dhe mamasë, simpatizante të komunizmit, spiunazhi i saj u ekspozua në moshën 87 vjeçare. Përgjigja e saj ishte: ?Mendova se do ta merrja në varr me vete këtë sekret?

3. Virginia Hall (1906-1982)

Një vullnetare amerikane i Operimeve Ekzekutive Speciale gjatë Luftës së Dytë Botërore, Hall operoi në Francën e pushtuar. Ajo koordinonte aktivitetet e saj gjatë kohës që punonte si korrespondente për New York Post, dhe u shfaq në listën e Gestapos si një ndër më të kërkuarit. Në listë njihej me emrin ?Zonja e Çaluar?, kjo për faktin se në vitin 1932 kishte qëlluar veten në këmbë duke e zëvendësuar atë me protezë gjymtyrësh (në të cilën kishte fshehur dokumente të shumta).

4. Belle Boyd (1844-1900)

E lindur në Virxhinia, Maria Isabella ?Belle? Boyd u bë spiune e Konfederatave në moshën 17 vjeçare, pasi qëndronte nën survejim nga rojet sepse kishte qëlluar një ushtar të Unionit, sipas kujtimeve të së cilës, (ushtari) kishte fyer atë dhe mamanë e saj. ?Ne femrat jemi të detyruara të armatosemi në mënyrë që të mbrojmë veten?. Sharmante dhe e bukur, ajo nxorri sekretet e Unionit dhe u dënua me burgim.

5. Ursula Kuczynski (1907-2000)

Komunistja hebreje-gjermane, Kuczynski u angazhua në këtë punë që në moshë të re. Në vitin 1930, ajo u zhvendos në Kinë, ku dhe praktikoi teknikat e radios. Më pas jetoi në Zvicër dhe Angli, para se të largohej për në Berlinin Lindor në 1950. Një nga spiunët që ajo konkurronte për KGB-në ishte Kalus Fuchs. Më vonë Ursula u bë shkrimtare e librave për fëmijë./CNA