E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

"Nënë fshiji lotët,edhe pse nuk e kemi më motrën "/Historia prekëse në "Dua të të bëj të lumtur"

17 Mars 2018, 20:46, Lifestyle CNA

Një histori e dhimbshme dhe plot kurajo çeli puntatën e radhës të programit ?Dua të të bëj të lumtur?. Historia e Rebekës, Xheraldinës dhe Deborës na përcolli emocione të forta dhe na bëri të kuptojmë se jeta është e shkurtër dhe çdo moment duhet jetuar sikur të ishte i fundit.

Debora kishte ftuar mamanë e saj, stilisten e njohur nga Kosova, Xheraldinën, për t?i kërkuar asaj që të mos hiqte dorë nga të jetuarit. Arbana na rrëfeu historinë e Rebekës dhe na tregoi se Xheraldina si një nënë e fortë nuk ishte dorëzuar përballë çdo vështirësie që jeta i kishte vendosur përpara.

Xheraldina deklaroi se gjithmonë e kishte pritur një ftesë të tillë dhe se personi që kishte vendosur ta bënte të lumtur duhet ta donte shumë.

Momenti që na përloti të gjithëve ishte letra që lexoi Arbana, e shkruar nga Debora. Në letër shkruhej se prej kohësh familjes i mungonte dikush, Rebeka e cila nuk ia kishte dale që t?i mbijetonte sëmundjes.

Debora i kërkoi Xheraldinës që të jetonte për Rebekën, për të dhe për veten dhe i premtoi se sëbashku do t?ia dilnin mbanë. ?Nënë fshiji lotët, mos qaj dhe pse nuk e kemi Rebekën ne duhet të jemi të forta?, ? ishin këto fjalët me të cilat Debora iu drejtua nënës së saj, fjalë të cilat përlotën Xheraldinën dhe publikun që ndodhej në studio.

Për ta mbështetur Deborën në mesazhin e saj, Arbana kishte ftuar artistin që i kishte mbështetur në rrugëtimin e tyre, Ledri Vulën.

Një nga reperët më të dashur shqiptarë, Ledri Vula, ishte i ftuari surprizë i puntatës së pestë të programit ?Dua të të bëj të lumtur? në ?Top Channel?. Ishte Debora, vajza e Xheraldinës, ajo që kishte kërkuar ndihmën e tij për t?i dhënë mesazhin nënës së saj dhe ndryshe nga ç?jemi mësuar ta shohim më parë, Ledri shfaqi anën e tij shumë emocionale në program.

Gjatë momentit që po bisedonte me Xheraldinën, Ledri shpërtheu në lot kur tregoi se gjatë xhirimit të klipit ?Beautiful? në bashkëpunim me Flori Mumajesin, e kishin kujtuar shpesh herë Rebekën dhe luftën e saj e madje kishin lotuar edhe gjatë regjistrimeve.

Ndër të tjera, Ledri u shpreh se: ?Nëna është shtylla e familjes dhe nëse nëna bie, krejt bien?. Madje ai i premtoi publikisht Xheraldinës që do ta ndihmonte të ndryshonte jetën duke i gjetur një punë.

Kjo ishte hera e parë që e shihnim reperin më të pëlqyer të të rinjve duke qarë, por më e rëndësishmja, përmes ?Dua të të bëj të lumtur? zbuluam se Ledri Vula ka edhe një zemër shumë të madhe./CNA