web counter
LEXO PA REKLAMA!

SHKARKO APP

Vrau me thikë 16-vjeçarin/ Zbardhet dëshmia e autorit

3 Mars 2018, 10:32, Kronika CNA

Ka ndërruar jetë, ndërsa sot përcillet për në banesën e fundit, 16-vjeçari që u plagos me thikë nga bashkëmoshatari i tij mesditën e djeshme në qytetin e Durrësit.

Ngjarja e rëndë ka ndodhur në lagjen nr.15, në Spitallë, ku shtetasi Devi L., 17 vjeç, dyshohet se pas një konflikti për motive të dobëta ka plagosur me thikë, Anxhelo Gjokazajn, 16 vjeç, banues në Durrës.

Pas arrestimit nga policia 17-vjeçari, Devi Lala ka dhënë dëshminë e tij.

Adoleshenti ka konfirmuar se ngjarja ka ndodhur për motive të dobëta, ku shkak ishte bërë vetëm një shikim nga viktima, ndërsa më tej kishte vazhduar me sharje dhe përleshje fizike.

Dëshmia:

?U ktheva në lagje, aty ku rri gjithnjë. Aty u hasa me Anxhelon. Po më shikonte. Pse më shikon i thashë, ka ndonjë gjë për të parë?! Ai më ofendoi, më shau. I thashë, pusho se do ta pësosh keq, ai vazhdonte të më shante. Edhe unë nisa ta shaja dhe u përleshëm fizikisht.

Në një moment nxora thikën dhe e qëllova disa herë. Nuk më kujtohet se sa herë i qëllova, pasi isha në gjaknxehtësi e sipër. Por, pashë që mbeti i shtrirë në tokë dhe u mbulua nga gjaku. Në këtë moment u tremba dhe u largova. Pak metra më tej hodha thikën në një kanal. Nuk kishim ndonjë konflikt, thjesht antipati për njëritjetrin?. /CNA.al





Lajmet e fundit nga