Makina e Tupac Shakur në të cilën u vra, del në shitje me shifër marramendëse

2 Mars 2018, 12:05, Lifestyle CNA

Makina në të cilën u vra rreperi legjendar Tupac Shakur është nxjerrë në shitje për një shifër marramendëse.

Plot 1.5 milion dollarë është shuma minamale që duhet të paguajë kushdo që do e blejë këtë makinë.

Pas restaurimit të plotë, asaj i është lënë një ndër vrimat e katër plumbave, të cilat goditën makinën e rreperit.

BMW-ja e zezë seria 7 e vitit 1996 është nxjerrë në shitje këtë javë pas restaurimit të plotë por shumica e gjërave janë origjinale sikurse ishin në 7 shtator 1996.

Tupac u gjuajt katër herë nga nje pistoletë e tipit Glock ndërkohë që makina ishte e ndaluar në semafor në Las Vegas, disa orë pas pranisë së tij në një ndeshje boksi në MGM Grand Casino.

Pronari i makinave të VIP-ave, Ryan Hamilton shprehet se interiori i makinës është lënë i paprekur pavarësisht restaurimit nga jashtë, përfshi një vend sekret për armë në makinë.

Vendi sekret i mbajtjes së armëve hapej vetëm me një kombinim të disa butonave në makinë, e realizuar sipas kërkesës së vetë rreperit duke qenë se ai gjithmonë ka pasur nevojë për mbrojtje.

Gjithsesi Hamilton nuk e zbulon vendin sekret se ku ndodhet dhe nuk është treguar në asnjërën nga fotot që e nxjerrin makinën në ankand.

Gomat janë të reja por identike si ato që ishin para se rreperi të vritej.

Gjendja e makinës tashmë është perfekte dhe pronari i ri i makinës do të pajiset me dokumentat përkatëse, të cilat deklarojnë pronësinë dhe historinë e makinës.

Tupac u gjuajt plot katër herë, dy prej plumbave e kapën në kraharor, një në krahë dhe një në kofshë.

Në timon kishte qenë Suge Knight, bashkëthemeluesi i Death Row Records, i cili ishte producent i muzikës së Tupac.

Në momentin që makina e tyre ishte në semafor, një kadillak i bardhë ndaloi pranë tyre, ulën xhamat e makinës dhe qëlluan drejt makinës së Tupac.

Knight edhe pse i plagosur nga një prej plumbave, mundi të ngiste makinën për gati 1 kilometër nga skena e ngjarjes, përpara se të ndalohej nga një motorr policie.

Tupac Shakur vdiq në datën 13 shtator si pasojë e problemeve me frymëmarrjen nga plumbi që i kishte prekur mushkërinë, kështu pëson arrest kardiak pas heqjes së mushkërisë së djathtë.

Vrasja nuk u zbardh kurrë dhe Knight gjithmonë ka mohuar përfshirjen e tij në gjithë këtë ngjarje./CNA