web counter
LEXO PA REKLAMA!

SHKARKO APP

App Store
Google Play

E fundit!

x

Porti belg Zeebrugge “trampolina” e re e klandestinëve shqiptarë drejt Anglisë

25 Shkurt 2018, 11:43, Kronika CNA

Klandestinët shqiptarë, që i mësyjnë Anglisë, tashmë që Porti i Bilabos në Spanjë po blindohet nga policia me mure të lartë, telekamera dhe patrulla, po përpiqen të gjejnë shtigje alternative për në Angli. Porti i Rotterdamit po ashtu po bëhet gjithnjë e më i padepërtueshëm nga klandestinët shqiptarë, sidomos pas vizitës së kryebashkiakut të Rotterdamit në Tiranë, shoqëruar me kolonelë e gjeneralë, prokurorë e gjykatës.

Një ?shteg? i ri për në Angli është bërë Porti Zeebrugge-s në Belgjikë. Nga ky port nisen kryesisht anije kontejnermbajtëse. Disa prej tyre kanë për destinacion Anglinë. Pikërisht të tilla anije po shfrytëzohen nga klandestinët shqiptarë. Udhëtimi me kontejner është shumë i rrezikshëm, sepse nëse gabon dhe futesh në kontejnerin e gabuar, në vend që të mbërrish për në destinacion për 1-2 ditë, mund të rrish i mbyllur në kontejner me javë të tëra duke vdekur nga uria dhe etja.

Për të goditur trafikun e klandestinëve policia belge organizoi një operacion me pjesëmarrjen e 37 policëve, qenve të kërkimit dhe një droni. Në këtë operacion u kapën 36 klandestinë, ku 20 ishin algjerianë dhe të tjerët libianë, marokenë, palestinezë etj. Për herë të parë gjatë këtij operacioni përvec 36 klandestinëve të lartpërmendur u kapën të enjten edhe 2 klandestinë shqiptarë në shesh depozitimin e kontejnerëve të Kompanisë P & O Ferries. Kjo kompani me anije traget të tipit Ro-Ro lidh Portin Zeebrugge në Belgjikë me Portin Hull në Angli. Policia belge i ndruhet një vërshimi të klandestinëve shqiptarë nga Zeerbruge në Hull në Angli. /Gjergj Thanasi /CNA.al

 





Lajmet e fundit nga