E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Skandal-Elbasani nuk ka Polici Qarkullimi Rrugor/ Aksidentet dhe kaosi në trafik indinjojnë qytetaret

22 Shkurt 2018, 14:33, Kronika CNA

Nga ARTUR AJAZI

*Qyteti i Elbasanit, nuk ka Polici të Qarkullimit Rrugor, për pasojë nuk funksionon as sinjalistika dhe as rregulli në trafikun e mërzitshëm të makinave që shoqeron qytetarët çdo ditë. Kaosi dhe rrëmuja në të gjitha akset rrugore në Elbasan, janë të përditshme, duke nisur nga unaza e qytetit, pastaj tek akset rrethrrotullimi ?Metalurgjisë? deri tek Stadiumi, akset nga Bashkia deri tek kryqëzimi Cerrikut, akset Universiteti deri tek Teatri Skampa, akset nga ?1 Maji? deri tek Ura e Zaranikes, dhe pothuajse të gjitha akset e tjera, ku ka çdo ditë trafik, ka çdo ditë aksidente dhe përplasje makinash vetëm e vetëm, sepse nuk gjendet gjëkundi Policia e Qarkullimit Rrugor, nuk gjendet asnjë polic i Qarkullimit Rrugor për të ndëshkuar të ?fortët? dhe për të vendosur rregullin dhe disiplinimin e trafikut.

Elbasani nuk ka Polici të Qarkullimit Rrugor edhe për faktin sepse, reformat gjoja ?radikale? që premtoi Tahiri dhe tani Xhafaj, janë vetëm premtime dhe mashtrime bajate, pasi brenda radhëve të uniformave blu në atë qytet janë sot akoma ata që duhej të kishin dalë në pension, ose ata që duhej të kishin shkuar në ndjekje penale për shkelje ligjore dhe korrupsion. Por ata që e pësojnë nga mungesa e Policisë Qarkullimit Rrugor në Elbasan, janë qytetaret, janë ata që kanë një makinë për nevojat e familjes dhe këmbësorët. Kudo në akset rrugore ka kaos, ka trafik, ka rrëmujë, ka aksidente, ka sherre mes shofereve dhe këmbësoreve, dhe mungesë të uniformave blu. Një skandal që ka vite që po shqetëson qytetaret e Elbasanit, dhe një heshtje e qëllimshme e Ministrise se Brendshme e cila e di fare mirë situatën në ate qytet.

Në të gjitha hyrje-daljet e qyteti, nuk ka sinjalistikë, nuk gjendet një makinë policie, por këto të fundit dalin vetëm ditët me shi e fortune për të gjobitur vjedhurazi makinat e hallexhinjve. Aksidentet në Elbasan janë pothuajse të përditshme, dhe me pasoja për jetët e qytetareve. Fajtore në këto aksidente janë edhe Policia e Qarkullimit Rrugor, e cila nuk ka marrë, dhe nuk po merr asnjë masë për ndëshkimin e atyre që shkelin ligjin dhe rregulloren e qarkullimit me makina dhe motora. Një skandal më vehte mbetet edhe toleranca ndaj drejtuesve të mjeteve motorike, të cilët në Elbasan janë nga mosha 12 deri 72 vjeç, shumica pa leje drejtimi dhe me precedente të tjerë ligjore.

Mungesa e uniformave blu në akset rrugore, e ka kthyer Elbasanin në qytet kaotik, të mbushur çdo ditë me ngjarje të jashtëzakonshme. Për ta besuar këtë mjafton të njihesh me statistikat 6 mujore dhe 1 vjeçare të aksidenteve dhe pasojave që ato kanë patur në jetën e qytetareve, dhe të bindesh se Policia e Qarkullimit Rrugor në atë qytet, nuk ekziston./ CNA.al