Leonard Bombaj e denoncon sërish, Ajsi: Njerëzit do më besonin po të bëja vetëvrasje

18 Shkurt 2018, 09:02, Lifestyle CNA

Historia e “përdhunimit” të ish-aktores së kripmjaltëzave Ajsi Xhaxhaj me Leonard Bombajn u përfol për shumë vite gjatë në media.
Mirëpo ndonëse ka kaluar shumë kohë, tema e tyre vijon të mbetet e nxehtë dhe të hapë debat pas çdo deklarate sado të vogël.

6 vite më parë Bombaj u shpall i pafajshëm për akuzën e përdhunimit, ndërsa miku i ajsit, këngëtari Stresi u dënua për gjobëvënie ndaj tij. Edhe vetë Ajsi u dënua me gjobvënie, ndërsa akuzat e saj nuk u vërtetuan.

Së fundmi, Ajsi Xhaxhaj, tashëm prezantuese, ka qenë sot e ftuar në programin e fundjavës ?Një kat më lart?.

Ajsi tha se pas një emisioni që u bë vitin e kaluar, në të cilin ajo ishte në transmetim njëkohësisht që Bombaj ishte me gruan në një kanal paralel, ajo është hedhur në gjyq nga këta të fundit.

Mirëpo sipas Ajsit gjykata e shpalli të pafajshme.

Ajo tha:

Pas intervistës me Jonida Shehun u padita për shpifje nga këta persona. Por unë u shpalla e pafajshme pasi askush nuk mund ti cenojë lirinë e fjalës dhe të drejtën për të shprehur një histori të kaluar. Unë nuk kam ofenduar askënd në atë intervistë, por thjesht kam treguar diçka që kam kaluar. Ndërsa për çështjen e dikurshme nuk është bërë asnjë gjyq. Pavarësisht se pala tjetër thotë se “unë jam i pafajshëm”. Por nuk është bërë asnjë gjyq, thjesht është mbyllur dosja ime. Ndoshta nuk janë kryer hetimet. Për mua është histori e shkuar. Unë nuk dua ta ngacmoj më, janë vetë ata që mua më ngacmojnë. Ata kanë ndërtuar shkollën pranë shtëpisë sime dhe për këtë arsye jemi ndeshur shpesh. Tirana është shumë e madhe, dreqi e mori, nuk e kuptoj pse dikush mund të ndërtojë shkollën në po atë rrugicë.
Ndërsa e pyetur se si vazhdon jeta e saj tani, Ajsi tha:

Njerëzit mund të thonë që në qoftë se asaj do t’i kishte ndodhur diçka e tillë nuk do bënte foto të tilla provokuese. Ndoshta ata do ta besonin më shumë nëse do të bëja vetëvrasje, por unë kam zgjedhur të vazhdoj jetën./CNA