web counter
LEXO PA REKLAMA!

SHKARKO APP

Ami shfaqet për herë të parë në ekran me barkun e rrumbullakosur

18 Shkurt 2018, 09:02, Lifestyle CNA

Pritjes së ëmbël po i vjen fundi dhe shumë shpejt Amarda Toska dhe Ermal Mamaqi do të bëhen me një vajzë. Moderatorja e njohur ka preferuar që këtë periudhë ta shijojë në privatësi dhe nuk ka postuar shpesh foto në rrjete sociale dhe as nuk është shfaqur në ekran.

Dje, Ami ka bërë daljen e parë televizive ku në një intervistë për “Jo vetëm modë” ka folur mbi shtatzëninë dhe emrin e vajzës.

“Shtatzënia ka shkuar shumë mirë. Mendoja se do të ishte rrugëtim i gjatë, por tani që jam drejt fundit them ‘Sa shpejt kaloi’ dhe po i shijoj momentet e fundit. Luhatje humori dhe neps nuk kam pasur sepse ditët e sotme s’ka arsye pse të kesh neps. Për emrin e bebit nuk kemi vendosur ende. Kemi disa emra, por s’na e ka bërë akoma ‘klik’ një emër për vajzën”, u shpreh Ami.

Të hënën në TV Klan fillon edhe sezoni i ri i emisionit shumë të dashur për shqiptarët “Lufta e nuseve” i cili për të tretin vit radhazi bashkëpunon me “Ami Event”. Në intervistën për “Jo vetëm modë”, Ami zbuloi se këtë sezon do shohim shumë çifte të huaja që do sjellin një frymë tjetër në emision./CNA





Lajmet e fundit nga