web counter
LEXO PA REKLAMA!

SHKARKO APP

App Store
Google Play

Kuvendi në mjegull rreth seancës për demarkacionin

18 Shkurt 2018, 16:21, Kosova & Bota CNA

Edhe pse ishte vendosur që sot të mbahej seanca e jashtëzakonshme e Kuvendit të Kosovës për shqyrtimin e projektligjit për ratifikimin e marrëveshjes për kufirin shtetëror në mes të Republikës së Kosovës dhe Malit të Zi, ajo është shtyrë për ndonjë ditë tjetër.

I pari që njoftoi për shtyrjen e seancës ishte vet kryeministri Ramush Haradinaj.

E derisa sot flitej se do të ketë seancë, dilemë kishte edhe vet sekretar i Përgjithshëm i Kuvendit, Ismet Krasniqi, i cili i tha KosovaPress-it se po flitet për një shtyrje të seancës por që ende zyrtarisht nuk ka marrë asgjë.

Sipas tij, në momentin që do të marrë ndonjë njoftim zyrtar, do të njoftohen mediat, ndërsa, deri atëherë mbetet njoftimi që në ora 18:00, të nisë seanca.

Kurse, Valmir Klaiqi, këshilltari për media i kryetarit të Kuvendit, Kadri Veseli, tha se ashtu siç ka paralajmëruar kryeministri Haradinaj, sot nuk do të ketë seancë të jashtëzakonshme.

Kryeministri Haradinaj i ka kërkuar kryeparalamentarit Veseli që seanca të mbahet të martën e 20 shkurtit.

Jozyrtarisht mësohet se për ta votuar demarkacionin janë siguruar votat nga partitë shqiptare të koalicionit qeverisës, nga LDK-ja dhe nga minoritetet joshumicë. Duhen edhe 2-3 vota të cilat po kërkohen ose te Vetëvendosje e cila ka ripërsëritur qëndrimin kundër demarkacionit, ose te Lista Serbe që ka thënë se nuk e sheh me prioritet çështjen e demarkacionit./Koha.net





Lajmet e fundit nga