E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Burri rrinte vonë në internet/ 28 vjeçarja punëson dedektiv privat për ta ndjekur

18 Shkurt 2018, 21:30, Kronika CNA

Dyshimet se partneri e tradhëtonte, e kanë bërë një 28 vjeçare nga Tirana, të punësojë një dedektiv privat, për të provuar dyshimet e saj.

Historinë e ka përcjellë për publikun ?Top Channel? nëpërmjet një kronike televizive.

Në rrëfimin e saj 28 vjeçarja pohon se kishte 6 vjet që bashkëjetonte me njeriun që donte, por pas lindjes së fëmijës gjërat ndryshuan.

Shenjat që kishe vënë re ishte mbajtja e telefonit më shumë se çduhet, orët e gjata në punë, orët e vona në internet etj.

?Tri vitet e fundit filloi ta mbante telefonin në xhep, nuk e lëshonte kurrë nga dora. Nisi të punonte më gjatë. Vinte në 12, apo 2 të natës, ndërkohë që në mëngjes duhet të ikte në punë dhe prap rrinte deri në 5 të mëngjesit në internet. U çova natën të kontrolloja telefonin dhe shoh biseda me persona të panjohur dhe me profile fals. Kur u kthye nga puna e ballafaqova dhe nuk i pranoi. Mohonte çdo gjë. E mendoja një person të pastër, nuk e mendoja që të arrinte në këtë pikë që të fliste kaq banalitete, kaq perversitete në ato biseda. Një imagjinatë e shfrenuar. Më gënjente aq shumë, saqë edhe unë vete nisja të besoja ndonjëherë që e kisha gabim. Vjehrri, vjehrra më akuzonin që isha çmendur dhe se do të më merrnin vajzën. Ky ishte kulmi i të gjithave dhe nuk më interesonte më. Më interesonte vetëm vajza. Kontaktova në internet me një nga detektivët privatë. Nuk ishin vetëm detektivë, por ishin edhe psikologë të mirë. Lidha një kontratë shërbimi me detektivin privat. Ata mendonin që 14 ditë ishte një kohë e mjaftueshme për ta parë se ku shkon, me kë shoqërohet dhe çfarë bën. Isha e gatshme që të bëja gjithçka për të zbuluar të vërtetën. E kishin kapur në momente kompromentuese, duke u puthur dhe duke u përkëdhelur në zona intime në një ambient publik?.

Më tej vajza tregon se si u ndje kur pa fotot, të cilat dedektivi kishte zotëruar nga tradhëtia.

?U ndjeva e lehtësuar sepse doli e vërteta dhe unë isha në rregull. E dija se çfarë më priste. Isha e parapërgatitur për tradhtinë. Vjehrri u trondit më shumë. Më kërkoi falje dhe prej atij momenti, thjesht i kam thënë që të largohet nga jeta ime dhe nuk dua t?i shoh më. Vajzën nuk ua kam ndaluar që ta shohin, mund ta shohin sa herë të duan, por gjithmonë në praninë time?, thotë ajo.

Po kur ballafaqoi ish-bashkëjetuesin e saj me këto foto?

?Thjesht po kërkon të ndahesh më tha. Deshe të ndahesh nga unë! Ja arrite qëllimit ? më tha dhe u largua. Prap mua më ngeli faji, por asgjë nuk krahasohet me çlirimin që kam brenda. Nuk krahasohet as pagesa. Jam e lehtësuar totalisht që nuk e kam më pranë vetes?, shton ajo.

A ja ka rekomanduar njeriu tjetër shërbimin e detektivit privat?

?Po ja kam rekomanduar para dy javësh një shoqes time që kishte probleme me tradhti bashkëshortore, akoma më keq se unë, sepse dhunohej sistematikisht nga i shoqi?, tregon 28-vjeçarja. /CNA.al