web counter
LEXO PA REKLAMA!

SHKARKO APP

App Store
Google Play

E fundit!

x

Plagosën dhe kanosën një të ri/ Prangoset një 27 vjeçar, në kërkim bashkëpunëtori i tij

18 Shkurt 2018, 13:24, Kronika CNA

Policia ka arrestuar një shtetas, si dhe ka shpallur në kërkim një tjetër, për veprat penale ?Plagosja e lehtë me dashje? ?Kanosja?, ?Prodhimi dhe mbajtja pa leje e armëve luftarake dhe e municionit”, ?Moskallzimi i krimit? dhe ?Mosbindja ndaj urdhërit të punonjësit të policisë së rendit publik?.

Në pranga ka rënë shtetasit G. O, 27 vjeç, banues në Tiranë, ndërsa është shpallur në kërkim shtetasinT.Ll., 24 vjeç.

G.O. ishte shpallur në kërkim nga shërbimet e policisë pasi, me datë 16.02.2018 rreth orës 11:00, në rrugën “Azem Meshi” në bashkëpunim me shtetasin T. Ll., 24 vjeç banues në Kashar, pas një konflikti të çastit kanë kanosur dhe plagosur lehtë me mjete të forta shtetasin A. D dhe janë larguar nga vendngjarja.

Në vijim të punës, për kapjen e tyre , më datë 17.02.2018 shërbimet e policisë kanë konstatuar në Kashar mjetin me targë AA 064 NZ që drejtohej nga shtetasi G. O.

Punonjësit e Policisë i kanë bërë shenjë të ndalojë, por drejtuesi i mjetit nuk i është bindur urdhërit të punonjësve të policisë për të ndaluar duke u larguar me shpejtësi.

Shërbimet e Policisë janë venë në ndjekje të këtij mjetit, ku në afërsi të mbikalimit të Fushë Krujës kanë bërë të mundur bllokimin e mjetit si dhe kapjen e shtetasit G.O, i cili drejtonte mjetin.

Ndërsa shtetasi T.Ll., 24 vjeç, banues në Kashar, që udhëtonte si pasagjer me të , njëkohësisht edhe bashkëpunëtor i ngjarjes së ndodhur më datë 16.02.2018, ka mundur të largohet dhe është shpallur në kërkim.

Gjatë kontrollit të mjetit u gjetën dhe sekuestruan në cilësinë e provës materiale dy maska dhe një karikatore arme zjarri pistoletë me pesë fishekë./CNA.al

 





Lajmet e fundit nga