web counter
LEXO PA REKLAMA!

SHKARKO APP

App Store
Google Play

E fundit!

x

Kastriot Dervishi: Për të dënuarit politikë, që kanë vuajtur dënimin si minatorë

12 Shkurt 2018, 18:47, Aktualitet CNA

Historiani Kastriot Derivshi, në një postim në rrjetet sociale, ka shkruar se të dënuari poltikë kanë vuajtur dënimin si minatorë dhe shpeshherë u janë kërkuar dokumente sikur nuk ekzistojnë, siç është rasti i atyre që kanë vuajtur dënimin si minatorë nëpërmjet punës së detyruar.

Postimi i plotë:

Për të dënuarit politikë që kanë vuajtur dënimin si minatorë

Hartimi i legjislacionit pa një studim mbi zbatueshmërinë e tij, shpesh herë i ka bërë ligjet tona të pazbatueshme apo në dëm të një kategorie të caktuar sociale. I tillë është rasti kur ish të dënuarve politikë u kërkohen dokumente që nuk ekzistojnë, siç është rasti i atyre që kanë vuajtur dënimin si minatorë nëpërmjet punës së detyruar. Dokumentet vërtetuese të punës së tyre nuk ekzistojnë më.

Gjatë diktaturës, heqja e lirisë vuhej nëpërmjet izolimit në burgje (p.sh. në repartet nr.313 Tiranë dhe 321 Burrel) ose nëpërmjet punës së detyruar në kampet e posaçme kryesisht për bonifikime, ndërtime dhe miniera. Asnjëherë nuk duhen ngatërruar regjimi i burgut nga regjimi i punës së detyruar. Çdo i dënuar ka pasur fashikullin e tij që ruhej pranë komandës ku vuante dënimin me anë të punës së detyruar. Ish të dënuarit që sot janë në moshë pensioni, kanë vuajtur dënimin nëpërmjet punës së detyruar në kampet nr.303 Spaç dhe nr.311 Qafë Bari.

Komandat e këtyre kampeve i kanë asgjësuar fashikujt e tyre në vitin 1991, duke mos lënë asnjë dëshmi të shkruar për punën e të dënuarve. Çuditërisht, mundën të arkivohen regjistrat e të dënuarve ordinerë, të reparte 301, 303, 312. E vetmja zgjidhje për këtë kategori të përndjekurish është që koha e vuajtjes së dënimit të vlerësohet e barabartë me atë të punës së detyruar. Me anë të kësaj metode maksimalizohet zgjidhja e problemit dhe nuk ka kurrfarë rëndese në buxhetin e shtetit. /CNA.al





Lajmet e fundit nga