web counter
LEXO PA REKLAMA!

SHKARKO APP

App Store
Google Play

Izet Haxhia deklaratë të fortë para ekstradimit/ I njëjti grup që vrau Hajdarin, tentoi të vriste edhe...

12 Shkurt 2018, 16:52, Aktualitet CNA

Ish-truproja i ish-kryeministrit Sali Berisha, i cili pritet të ekstradohet nga Turqia, ka bërë një deklaratë të fortë për emisionin “Magazina” të Radio Dukagjinit.

Izet Haxhia është shprehur për Radio Dukagjinin, se i njëjti grup që ka vrarë Azem Hajdarin, ishte porositur për të ekzekutuar edhe ish-Presidentin e Kosovës, Ibrahim Rugova. Sipas Hajdarit ngjarja ka ndodhur në vitin 1999 në aeroportin e Rinasit.

?Është një lidhje që e bënë mes vrasjes së Azem Hajdarit e kolonel Ahmet Krasniqi. Është e njëjta dorë jo vetëm e këtyre, por edhe në vrasjen e gjeneral Ilir Konushevcit në të gjithë këto vrasje. Dua të them edhe diçka që ka qenë i përgatitur edhe një atentat ndaj presidentit të ndjerë, Ibrahim Rugova nga viti 1999, po nga ky grup dhe për arsye si duket i njoftuar nga shërbimet huaja, Rugova nuk zbriti fare nga avioni në Rinas, për të ardhur në Tiranë. Por, ato bomba të telekomanduara që do të përdoreshin për të eliminuar Rugovën, i janë dhënë grupit të komandës që ka eliminuar Haklajn?, – u shpreh Haxhia.

Në vijim ai ka mohuar akuzat që ngrihen ndaj tij, si një nga autorët e vrasjes së ish-deputetit demokrat, Azem Hajdari. /CNA.al





Lajmet e fundit nga