web counter
LEXO PA REKLAMA!

SHKARKO APP

App Store
Google Play

E fundit!

x

Yll Manjani: Ende shpresoj që disi...

6 Shkurt 2018, 16:21, Aktualitet CNA

Në një postim në rrjetet sociale, ish-ministri i Drejtësisë, Ylli Manjani, teksa ka listuar asetet negative të vendit tonë, ka shkruar se shpreson ende që BE do të  hapë për Shqipërinë negociatat për anëtarësim.

Manjani thekson se BE duhet të na monitorojë dhe të vendosë kushte.

Postimi i plotë:

Ende shpresoj që disi, BE të pranojë të çelen negociatat për anëtarësim!

Pavarësisht se:

-qeverisemi keq dhe shumë keq!

– konsumojmë vetëm propagandë duke injoruar realitetin,

– dyndëm veten dhe Europën me drogë,

– asnjë trafikant ende nuk është ndëshkuar,

– drejtësia është e gjitha në duart e Kryeministrit,

– asnjë zyrtar në detyrë nuk ndëshkohet, megjithëse kapet në krim,

– liritë themelore janë në rriskun më të lartë të mundshëm,

– paligjshmëria është ligji i vetëm që sundon në vend,

– shteti është zhytur në borxhin më të lartë të mundshëm,

– ekonomia legale mbytet e gjitha nga i formaliteti,

– tregjet dominohen nga forca e shtetit dhe ekonomise informale dhe jo nga konkurrenca e ndershme,

– polarizimi social ka shkuar në ekstrem,

– politika është në ditën e vet më të keqe,

– administrata publike është shndërruar në tepsi Turke,

– investimet perendimore largohen për tu zëvendësuar me investime Turke e Ruse,

Prap them se disi Europa duhet të na monitorojë! Vetëm kaq, të na monitorojë dhe të na vendosë kushte!

Pa Europën jemi të humbur të gjithë…

Seriozisht shpresoj ende! /CNA.al





Lajmet e fundit nga