web counter
LEXO PA REKLAMA!

SHKARKO APP

App Store
Google Play

Një test i thjeshtë gjaku detekton sëmundjen e Alzheimer përpara se të shfaqen simptomat

6 Shkurt 2018, 15:05, Aktualitet CNA

Shkencëtarët së fundmi kanë zhvilluar një test gjaku i cili zbulon proteinat toksike që lidhen me harresën. Kërkuesit e Qendrës së Geriatrisë dhe Gerontologjisë në Japoni e kanë konsideruar këtë zbulim ?Grali i Shenjtë? i punës kërkimore mbi Alzheimerin. Ky test zbulon nivelin e amiloid-beta në gjak, të cilat lidhen me mirëqenien e trurit.

Skuadra shpreson që ky test të mund të përdoret për të trajtuar pacientët që vuajnë nga harresa përpara se të shfaqen simptomat. Shkencëtarët e testuan këtë metodë te 373 njerëz, duke përfshirë njerëz të shëndetshëm, me humbje kujtese dhe ata të diagnostikuar me Alzheimer. Testi rezultoi i saktë në 90% të rasteve.

Shkencëtarët shpresojnë që testi i gjakut të zëvendësojë skanerat e shtrenjtë të trurit që detektojnë nivelet e amiloid-betës. Ata thonë se testi do të jetë shumë më praktik se skanerat dhe do të kushtojë më pak.

Edhe pse ky zbulim ka ende nevojë të testohet, ekspertët e konsiderojnë një zbulim të jashtëzakonshëm pasi falë këtij testi të thjeshtë do të jetë e mundur ndërhyrja dhe parandalimi./CNA





Lajmet e fundit nga