web counter
LEXO PA REKLAMA!

SHKARKO APP

App Store
Google Play

E fundit!

x

Korrupsioni në financim, prodhon veç zgjedhje të korruptuara

6 Shkurt 2018, 12:18, Aktualitet CNA

Kryetari i KQZ-së, z. Klement Zguri në konferencën, ?Për Reformën Zgjedhore dhe përmirësimin e kuadrit ligjor dhe institucional për regullimin e financimit të partive politike dhe fushatës zgjedhore, ka thënë se korrupsioni në financim është rruga pa shpëtim ?Është shit-blerje e votës, është abuzim me resurset shtetërore, është rrënim i paritetit në garë, është dhunim i vullnetit të lirë të zgjedhësve, është kapje e pushtetit politik nga krimi dhe antishteti.

Korrupsioni në financim nuk është delikt kavalierësh, por është armiku më i egër i zgjedhjeve. Prandaj, lidershipi politik duhet ta deklarojë reformën e financimit dhe transparencën e fondeve e të shpenzimeve çështje prioritare?, është shprehur Zguri. Sipas tij, transparenca është antidoti i korrupsionit zgjedhor.

?Sa më shumë partitë do pranojnë transparencën dhe llogaridhënien publike si standarde të domosdoshme zgjedhore, aq më i madh do jetë kontrolli i shoqërisë mbi ligjëshmërinë e fushatave, aq më i vogël do jetë abuzimi dhe manipulimi i vullnetit të zgjedhësve, aq më e pastër do jetë konkurrenca politike, aq më të mira do jenë zgjedhjet?, ka thënë më tej Zguri, duke nënvizuar se nevojitet kuadër i ri rregullator, i qartë dhe i harmonizuar, trasparencë paraprake e fondeve të fushatës nga ana e partive politike./ CNA.al





Lajmet e fundit nga