E fundit!

10:21 Aktualitet

PD bojkoton sërish seancën

Partia Demokratike ka bojkotuar edhe seancën e sotme në Pa...

14 vjet Facebook, Mark Zuckerberg: “Kam bërë çdo gabim që mund të ekzistojë!”

6 Shkurt 2018, 11:00, Aktualitet CNA

Krijuesi dhe themeluesi i rrjetit social më të përdorur në glob, Facebook, Mark Zuckerberg ka festuar 14 vjetorin e themelimit të kësaj platforme në të gjithë botën.

E për ta festuar siç duhet këtë përvjetor, Mark ka shpërndarë një mesazh të gjatë, ku tregon të gjithë rrugëtimin e tij nga një platformë lokale që përdorej nga studentët, e deri në ditën e sotme që përdoret nga miliarda përdorues.

Ja çfarë shkruan Zuckerberg:

?Sot është ditëlindja e 14-të e Facebook-ut.

Është një moment për të reflektuar se sa larg kemi arritur nga ajo dhoma e fjetjes në Harvard dhe sa larg kemi ende për të shkuar për ta sjellë botën më afër së bashku. Dhe është momenti për të menduar për atë që duhet të bëjmë më mirë.

Nganjëherë njerëzit më pyesin çfarë kam mësuar përgjatë rrugës. Isha 19 vjeç kur nisa Facebook, dhe nuk dija asgjë për ndërtimin e një kompanie apo shërbimin global të internetit. Gjatë viteve unë kam bërë pothuajse çdo gabim që mund të imagjinoni. Kam bërë dhjetëra gabime teknike dhe marrëveshje të këqija. Unë kam besuar njerëzit e gabuar dhe i kam vënë njerëzit e talentuar në pozicione të gabuara. Kam humbur trendet e rëndësishme dhe kam qenë i ngadalshëm ndaj të tjerëve. Unë kam nisur produktin pas produktit që dështoi.

Arsyeja që komuniteti ynë ekziston sot nuk është për shkak se kemi shmangur gabimet.

Është për shkak se ne besojmë se çfarë po bëjmë ka rëndësi mjaftueshëm që të vazhdojmë të përpiqemi të zgjidhim sfidat tona më të mëdha ? duke e ditur mirë se do të dështojmë përsëri dhe përsëri, por se është e vetmja rrugë për të bërë progres.

Jemi akoma në fillim të këtij udhëtimi dhe ne do të vazhdojmë të punojmë për t?u përmirësuar. Ky objektiv ka qenë gjithmonë forca jonë, dhe pikërisht këtë vit gjithçka është rreth kësaj.

Sjellja më pranë së bashku me familjet tona dhe miqtë ka rëndësi dhe në këto 14 vjet unë jam krenar për atë që bëjmë dhe mirënjohës që jemi pjesë e diçkaje kaq domethënëse. Është një nder të jem në këtë udhëtim me ju.? /CNA