web counter
LEXO PA REKLAMA!

SHKARKO APP

App Store
Google Play

E fundit!

x

Familja me tre fëmijë bashkëjeton me një përbindësh 6 këmbësh 200 kg të madh

3 Shkurt 2018, 12:55, Aktualitet CNA

Të ndash jetën me gruan, tre fëmijët dhe me … një krokodil 200 kilogram. Kjo është historia e një familje të pazakontë në Indonezi. E pagëzuar me emrin Kojek, kafsha e gjatë më shumë se dy metra kalon pjesën më të madhe të kohës në një pellg të vogël në pjesën e pasme të shtëpisë.Kryefamiljari, një 41 vjeçar me emrin Irvan kujton se:

Krokodilin ia bleva djalit të një peshkatari. Tre-katër fëmijë po luanin me disa krokodilë bebe dhe ata besonin se ishin hardhuca. Unë di pak për zvarranikët dhe e dija se ishin krokodilë. Pasi i pyeta fëmijët se ç’do bënin më pas me kafshët e vogla më thanë se do t’i vrisnin. Nga keqardhja u ofrova që të blija njërin prej krokodilëve”

Sot, përbindëshi prej 200 kilogramësh është pjesë e familjes së Irvanit. Çdo ditë, ai ha 1.5 kg peshk dhe merr vëmendje të veçantë. Burri rregullisht e ndërron ujin në pellgun e tij dhe e pastron atë një herë në javë me një furçë dhe solucione pastruese. Irvan nuk harron t’i lajë edhe dhëmbët kafshës së tij të preferuar. Familja sot nuk ndjehet e rrezikuar nga krokodili i cili e ka sulmuar vetëm njëherë, Irvanin kur ai sapo e bleu. Aktualisht përbindëshi 200 kilogramësh duket se e shikon 41 vjeçarin si mik ose si një prind adoptiv. Familja thotë se ndjehet me fat që bashkëjeton me krokodilin, i cili vazhdimisht tërheq vëmendjen e shumë kuriozëve që shkojnë për ta vëzhguar./CNA





Lajmet e fundit nga