web counter
LEXO PA REKLAMA!

SHKARKO APP

App Store
Google Play

E fundit!

x

Kufiri me Malin e Zi në Kuvend/ Kryeparlamentari optimist: Do të votohet !

2 Shkurt 2018, 21:00, Aktualitet CNA

Pas tërheqjes nga iniciativa për të shfuqizuar ligjin për Gjykatën Specialem të miratuar me unanimitet dy vite më parëm një tjetër hap pas ka bërë lidershipi kosovar. Këtë herë fjala është për Demarkacionin, e njohur ndryshe dhe si ligji për vijën e kufirit Koosvë-Mali i Zi, të zvaritur deri tani për interesa kapitali politik nga lidershipi në mazhorancë qeverisëse.

Ka qenë Kadri Veseli, kryetari i Parlamentit që i gjendur nën trysninë e brendëshme dhe të jashtëme, për moslejimin e lëvizjes së lirë , ka ndryshuar qendrim duke parathenë “surprizën”.

Ditën e hënë, Kryesia e Kuvendit pritet të shqyrtojë si pikë kryesore çështjen e Marrëveshjes së Demarkacionit (Kufirit) ndërmjet Kosovës dhe Malit të Zi, ka deklaruar Veseli, kryetari i Kuvendit, njëherësh dhe kreu i Partisë Demokratike të Kosovës. Por jo vetëm kaq. Optimist më shumë se kurrë ai ka artikuluar se këtë herë Demarkacioni do të votohet nga deputetët e Republikës.

?Demarkacioni është një nga kushtet  kryesore për liberalizimin e vizave për qytetarët. Jemi duke punuar shumë seriozisht në këtë drejtim në mënyrën që të kemi sa më shpejt zgjidhje që ky kusht të kaloj, demarkacioni të kalojë me seriozitetin më të madh. Kosovës i duhet një koncencuzs në çështjen e demarkacionit?, u shpreh Veseli gjatë një konference për media raporton “Kosova sot”.

Më tej, Veseli theksoi se Kosova ka nevojë për stabilitet politik dhe se në të njëjtën kohë klasa politike duhet t?i plotësojë ato që kërkohen nga qytetarët e vendit.

?Integrimi drejt Bashkimit Evropian dhe kjo i bie liberalizmi i vizave?, u shpreh Kryeparlamentari i Kosovës.

Mbledhja e Kryesisë së Kuvendit është caktuar të mbahet të hënën në 05 shkurt 2018. Në këtë mbledhje, në pikën e gjashtë të rendit të ditës është paraparë shqyrtim i Marrëveshjes së Demarkacionit ndërmjet Kosovës e Malit të Zi që në ftesën zyrtare për këtë mbledhje është emërtuar si ?Shqyrtimi i Projektligjit për ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi. /CNA.al





Lajmet e fundit nga