web counter
LEXO PA REKLAMA!

SHKARKO APP

App Store
Google Play

Kim Mehmeti mbështet protestën kundër shitjes së detit: Harruam atdheun

2 Shkurt 2018, 20:15, Aktualitet CNA

Publicisti Kim Mehmeti, ka reaguar lidhur me protestën që do të organizohet nesër para godinës së Kryeministrisë, si reagim kundër dhënies së detit Greqisë.

Nëpërmjet një postimi në rrjetet sociale, Mehmeti shprehet se duke mbrojtur partitë dhe pushtetarët është harruar se si mbrohet atdheu.

?Duke mbrojtur partitë dhe pushtetarët, harruam si mbrohet atdheu! Dhe na mbërtheu verbëria që nuk na lë të shohim rininë e pashpresë që i braktisë tokat e të parëve, duke i lënë ato si kopshte pa rojtarë e pa pronarë!

Me çka ?Shqipëritë? tona po bëhen pronë e pushtetarëve të cilët, duke mos mundur të gjejnë blerës për ne, ?shesin? tokat dhe ujërat e shqiptarisë, pa na e treguar ?çmimin? e shitjes!

Dhe kështu, ishim dhe mbetëm popull të cilin, o e dëbojnë nga vendlindja, o ai vetë e braktisë atë!

Popull të cilit, o ia grabisin tokën e detin, o pushtetarët e tij i shesin dhe i dhurojnë ato!”, – shkruan publicisti Kim Mehmeti.

Protesta e thirrur ditën e nesërme organizohet nga aktivistët e Shoqërisë Civile pas deklaratës së ministrit të Jashtëm grek, Nikos Kotzias, se Shqipëria kishte pranuar zgjerimin e Greqisë me 12 milje det. /CNA.al





Lajmet e fundit nga