E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Financat urdhërojnë entet shtetërore: Nga fondet për mallra dhe shërbime, të parat të paguhen faturat e energjisë

26 Janar 2018, 07:21, Aktualitet CNA

Të gjitha entet shtetërore që funksionojnë me fonde publike duhet që në zërin dedikuar blerjes së mallrave dhe shërbimeve duhet të paguajnë të parat faturat e energjisë elektrike. Ministria e Financave ka lëshuar një udhëzim për zbatimin e buxhetit 2018 ku i orienton institucionet dhe ente publike se si të prioritizojnë dhe kryejnë pagesat.

?Njësite shpenzuese gjatë përdorimit të fondeve buxhetore të planifikuara për ?Mallra e Shërbime?, me prioritet urdhërojnë pagesat për shërbimet e furnizimit me energji elektrike? thuhet në udhëzim.

Ministria e Financave përcakton se strukturat përgjegjëse për thesarin në degë, verifikojnë listën e debitorëve të dërguar nga OSHEE çdo muaj dhe autorizojnë pagesën e faturave të tjera.

Në rast të kundërshtimeve, njësia shpenzuese rakordon me OSHEE dhe vetëm pas sqarimit zyrtar të detyrimit vijojnë pagesat e tjera.

Në rast se detyrimi është objekt i një çështjeje gjyqësore njësia shpenzuese duhet të paraqesë një dokument që vërteton se çështja është në proces gjyqësor. Këto përcaktime janë të vlefshme edhe në rastin kur institucionet përfitojnë fonde buxhetore ne formën e subvencioneve.

Gjithashtu dëmshpërblimi i nëpunësve civile që për shkak të ristrukturimit lirohen nga shërbimi civil do të paguhet nga artikulli 606 (Transferta tek individët), pas rialokimeve të fondeve nga artikujt e tjerë te shpenzimeve korrente.

Entet publike janë nder borxhlinjtë kryesore të Operatorit të Shpërndarjes së Energjisë, i cili gjithashtu është në pronësi publike. Llogaritë e vitit 2017 nuk janë zbardhur ende, por në fund të 2018 borxhi institucioneve buxhetore ndaj OSHEE i kishte kaluar të 58 milionë eurot.

Gjithashtu faturat e pagesave nga taksat e qytetareve po rëndohen se tepërmi nga dëmshpërblimet që buxheti i shtetit duhet të paguajë ish nëpunësve të administratës publike që janë pushuar nga puna dhe kanë fituar gjyqet./ Monitor