web counter
LEXO PA REKLAMA!

SHKARKO APP

App Store
Google Play

E fundit!

x

Kryemadhi sulmon Ramën për koncesionet që i kishin votuar së bashku

25 Janar 2018, 21:54, Aktualitet CNA

Kryetarja e Lëvizjes Socialiste për Integrim, Monika Kryemadhi, ishte në një lidhje të drejtpërdrejtë në emisionin “Opinion”, ku ka sulmuar kryeministrin Edi Rama, për koncesionet.

Monika Kryemadhi ashtu si edhe gjatë të gjithë ditës së sotme, edhe në mbrëmje përsëri e ka marrë rrjedha dhe foli përçartë, duke harruar se koncesionet për të cilat akuzon Edi Ramën, i ka votuar edhe ajo me partinë e saj.

Lëvizja Socialiste për Integrim, që ende nuk i është ftohur karrigia e pushtetit, sot sulmon koncesionet që dje i mbronte në Kuvend, kur Partia Demokratike i denonconte për afera korruptive, si Check-upi etj.

Monika Kryemadhi harron se deri para një viti bashkëqeveriste me Edi Ramën, dhe sot del dhe propagandon si të ishte e rënë prej qielli dhe e larë nga mëkatet. Koncesioni për hemodializën, prej 86 milionë dollarësh, koncesioni për sterilizimin e paisjeve kirurgjikale me vlerë 100 milionë dollarë, koncesioni i Check-up me vlerë 120 milionë euro, të gjitha së bashku me një vlerë prej më shumë se 300 milionë dollarësh, për të cilat është nën hetim edhe ish-ministri i Shëndetësisë Ilir Beqaj, janë votuar kur LSI dhe PS bashkëqeverisnin. Vërtet ministër në këtë rast ishte Ilir Beqaj, por LSI kishte zëvendës ministrin e saj, Klodian Rrjepajn, i cili është zyrtari i parë i lartë i kësaj ministrie i marrë në pyetje për këto tre koncesione.

Këto dhe koncesione të tjera të cilat sot Kryemadhi i sulmon, dje u bënte “duanë” së bashku me Edi Ramën. /CNA.al





Lajmet e fundit nga