E fundit!

10:40 Aktualitet

Vrasja e efektivit/ Mbahen homazhet në nder të tij

Këtë të premte po mbahen homazhet në Korçë në nderim të ef...

Kryemadhi sfidon Arta Markun/ Le të hedhin rrjetat, kallamat, grepat, s’kemi frikë

25 Janar 2018, 09:06, Aktualitet CNA

?Le të hedhin rrjetat, kallamat, grepat te kapin kapin edhe peshq te medhenj edhe cironka?.

Kështu shprehet Monika Kryemadhi, në një intervistë për gazetën Dita.

Kryemadhi flet për një ?situatë depresive? në të cilën siç shprehet ?shumica e shqiptarëve të cilët kanë dy zgjedhje : ose të largojnë Kryeministrin ose të largohen vetë?.

E pyetur nga zv.kryeredaktori i Ditës Erion Habilaj lidhur me zërat për skenare dhune në 27 janar, znj.Kryemadhi thotë: ?Skenarin e vërtetë të protestës do ta bëjnë qytetarët në rrugë dhe kembëngulja e tyre për ti dhënë fund një herë e mirë narko-regjimit?

Pas letrës suaj për ambasadorët kemi një përgjigje nga SH.B.A se zgjedhja e Kryeprokurores është zgjedhur konfom Kushtetutës. Cili është reagimi juaj?

Nuk dua te komentoj fare më Reformën në Drejtësi. Jam e bindur se shqiptarët sot e dinë që reforma është e kapur nga Edi Rama. Le të hedhin rrjetat, kallamat, grepat te kapin kapin edhe peshq të medhenj edhe cironka.

Z.Rama është shprehur se LSI ka vepruar ?hidhte gurin dhe fshihte dorën? gjatë ditëve të negociatave ne reformës në drejtësi. Keni ndonjë koment për këtë?

Edi Rama merr çmimin Nobel për Mashtrim. Ai dhe kushdo tjeter e di shumë mirë që pa LSI-në nuk do kishte Reformë në drejtësi. Pa votën e LSI-së edhe 7 ligjet nuk do kalonin.

Por me ndryshimet që ka propozuar në rregullore treguan edhe njëherë që mazhoranca ka frikë nga Reforma. Prandaj edhe etja për të kapur atë ka kaluar çdo limit.

Jemi pak ditë para protestës së opozitës PD-LSI dhe një nga kërkesat që po artikulohet nga opozita është largimi i kryeministrit. Mendoni se do të gjeni mbështetje në këtë kërkesë kur jemi vetëm gjashtë muaj nga zgjedhjet e fundit?

Opozita ka për detyrë të shpreh vullnetin e popullit sa herë që qytetarët besojnë se vendi po keq-qeveriset dhe aq më tepër kur fati i vendit është marrë pëng nga një grusht njerëzish të bërë bashkë më krimin e organizuar.

Sot mungon mundësia e debatit mbi idetë apo shpalosja e alternativave qeverisëse në interesin më të mirë të qytetareve, sepse aktualisht Parlamentarizimi ka rënë, të gjitha pushtetet janë në dorën e një njeriu ? ku tashmë edhe sistemi gjyqësor është uzurpuar.

Familjet shqiptare janë varfëruar ndërkohë që çmimet e ushqimeve dhe taksat janë rritur ndjeshëm. Faturat e energjisë dhe ujit po ashtu. Papunësia dhe çpopullimi i vendit është në nivele të frikshme, ndërsa rinia shqiptare ka humbur busullën dhe shpresën tek e tashmja dhe e ardhmja.

Në të gjithë këtë situatë depresive ekonomiko-sociale a ka përgjegjësi kjo mazhorancë dhe ky Kryeministër. Unë besoj se kështu mendojnë shumica e shqiptarëve të cilët kanë dy zgjedhje : ose të largojnë Kryeministrin ose të largohen vetë.

Flitet për skenare në 27 janari. Si do të zhvillohet kjo protestë?

Skenarin e vërtetë të protestës do ta bëjnë qytetarët në rrugë dhe kembëngulja e tyre për ti dhënë fund një herë e mirë ?narko-regjimit? që po i merr frymën ekonomisë, po ushqen frikën e pasigurisë publike dhe po shton varfërinë dhe plagët sociale.

Protesta e 27 Janarit është vetëm fillimi i këtij misoni historik dhe ekzistencial për Shqipërinë ku janë të ftuar për të kontribuar të gjithë shqiptarët pa dallime politike.

A flisni me z.Meta për lëvizjet tuaja politike, cili është qëndrimi i tij?

E kam thënë dhe më parë publikisht dhe në media se rolet tona në politikë nuk mund të mbizotërojnë në raport me përgjegjesitë tona familjare. Çështjet dhe axhendat politike të secilit prej nesh nuk zënë vend në bashkëbisedimet tona familjare.

Znj.Kryemadhi, është krijuar miti se LSI është një parti që i ka anëtarët të lidhur me pushtetin dhe vendin e punës. Keni ndjerë largime këto kohë nga njërëzit që i keni anëtarë?

Kjo është një ?legjende urbane? e gatuar me kujdes dhe e sponsorizuar edhe mediatikisht nga propaganda e rilindjes. Ne jemi krijuar si një forcë opozitare dhe spekullime të tilla nuk më shqetësojnë aspak sepse LSI aktualisht ka një axhendë të qartë për një ?politikë me dyer të hapura?jo vetëm për të rinjtë që i shtohen çdo ditë kësaj force politike, por edhe për intelektualët, për profesionistët e lirë, për botën akademike etj.