web counter
LEXO PA REKLAMA!

SHKARKO APP

App Store
Google Play

Ngjarja që tronditi Elbasanin/ Zbutet akuza për atentatorin e Çapjave

25 Janar 2018, 08:12, Aktualitet CNA

Ka marrë një kthesë të fortë hetimi për dosjen kundër 20-vjeçarit Shkëlzen Hasanpapaj në prokurorinë e Elbasanit, i cili në 6 qershor 2016, qëlloi disa herë me kallashnikov në një automjet tip Golf, ku brenda tij ndodhej Florec Çapja dhe Bledar Muça, dy emra të njohur të botës së krimit në këtë qytet.

Breshëritë e automatikut që tronditën qendrën e Elbasanit dhe lanë një vendgjarje, me dy të plagosur, mu përpara derës së prokurorisë së rrethit, janë sfumuar dhe se dosja hetimore që nisi me shumë vrull nga akuza për veprën penale të ?Vrasjes në rrethana cilësuese? mbetur në tentativë ndaj Çapjat dhe Muçës është pushuar dhe ndaj të riut Hasanpapaj.

Shqiptarja.com shkruan se tashmë nga Prokuroria janë ngritur akuza më të lehta si e ?Kanosjes me armë?, ?Armëmbajtje pa lejë? si dhe ajo ?Plagosjes së lehtë me dashje? në dëm të Bledar Muçës dhe efektives së policisë Matilda Kërmezi. Me këtë veprim, pra të ndryshimit të akuzave nga vrasje në kanosje, duket se prokuroria e Elbasanit i ka hedhur bezinë zjarrit të luftës së vjetër mes dy grupeve kriminale që veprojnë në qytet.

Mësohet se dosja ka përfunduar së hetuari në datën 27 dhjetor 2017 për tre akuzat e lartpërmendura. Në këtë periudhë prokuroria e Elbasanit drejtohej nga Dritan Gina. Kjo çështje ka ndryshuar tre prokurorë, dhe e fundit ka qënë prokurorja Eliverta Murra, e cila ka bërë dhe kualifikimin e akuzave për Hasanpapaj. Dosja më pas është qepur dhe i ka kaluar për gjykim në datën 11 janar 2018.





Lajmet e fundit nga