web counter
LEXO PA REKLAMA!

SHKARKO APP

App Store
Google Play

E fundit!

x

Pse duhet protestuar më 27 janar dhe pritshmëritë e Partisë Demokratike

24 Janar 2018, 16:02, Aktualitet CNA

Sekretari Organizativ në Partinë Demokratike, ishte i ftuar në studion e televizionit, Ora News, ku foli për protestën e 27 janarit dhe arsyeve se përse qytetarët duhet të protestojnë.

Sipas Bozdos, arsyet për protestë janë të shumta, pasi krimi ka kapur çdo hallkë të shtetit.

“Krimi ka hipur në piedestal. Nuk ka pasur ndonjëherë të kemi një qeveri më të korruptuar dhe kriminalizuar se kjo. Nuk mbaj mend ndonjëherë që Kryeministri të jetë i përfshirë në krim.

Nuk mbahet mend ndonjëherë që krahu i djathtë i kryeministrit, ministri i Brendshëm të jetë i përfshirë në trafik narkotikësh.

Kjo situatë ka një emër, kjo qeveri nuk meriton të qeverisë vendin, Edi Rama nuk meriton të udhëheqë vendin.

Arsyeja e parë për të protestuar është se shqiptarët nuk e meritojnë më këtë qeverisje.”, – tha Eno Bozdo.

Ai u shpreh se Partia Demokratike ka bërë maksimumin që protesta të jetë paqësore dhe të ketë sa më shumë pjesëmarrës.

“PD ka marrë të gjitha masat që kjo protestë të jetë paqësore dhe të organizojë sa më shumë qytetarë. Nuk duhet që në atë shesh të jenë vetëm pjesa organizative e Partisë Demokratike.

Besojmë se do jetë protesta me pjesëmarrjen më të madhe të parë ndonjëherë, të paktën në dekadën e fundit. Njerëzit kanë humbur shpresën dhe janë të dëshpëruar.”, – u shpreh Bozdo. /CNA.al





Lajmet e fundit nga