E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Alibeaj: Rama liroi nga burgu Durim Keçin

24 Janar 2018, 16:28, Aktualitet CNA

Deputeti i Partisë Demokratike Enkelejd Alibeaj, në një konferencë për shtyp tha se lirimi i kriminelëve si Durim Keçi, Orest Sota etj., është prova se denoncimet e Partisë Demokratike dhe kryetarit të saj Lulzim Basha, janë të vërteta dhe qëndrojnë.

Ai u shpreh se Durim Keçi, me gjasë nuk do të ekstradohet, gjë që sipas tij Lulzim Basha e kishte paralajmëruar, për shkak se ai ishte i mborjtur nga vetë kryeministri Edi Rama.

Sipas Alibeajt, “që në tetor Lulzim Basha bëri të ditur tabulatet telefonike mes Ramës dhe Keçit, ku Kryeministri i premton se ai do ta mbronte.

Sipas tij Edi Rama ka kapur drejtësinë dhe shtetin në tërësi, dhe e ka blerë atë me paratë e drogës. /CNA.al

Deklarata e plotë e deputetit dhe drejtuesit të Departamentit të Sigurisë në Partinë Demokratike, Enkelejd Alibeaj

Një tjetër kriminel i rrezikshëm është jashtë dyerve të burgut.

Durim Keçi, një nga peshqit e krimit, mik i Edi Ramës dhe Blendi Klosit, është liruar nga burgu. Me shumë gjasë, ai nuk do të ekstradohet në Itali, ku është dënuar për trafik drogë dhe prostitucioni.

Kryetari i Partisë Demokratike, Lulzim Basha, e paralajëmroi që në tetor se Durim Keçi do t?i shpëtonte drejtësisë, sepse kishte mik kryeministrin Edi Rama dhe i ka shërbyer atij në çdo palë zgjedhje. Në tetor, Lulzim Basha bëri të njohur ekzistencën e tabulateve telefonike të Edi Ramës me Durrim Keçin, të cilit i garantoi mosekstradimin.

Dhe kështu ndodhi. Reforma në drejtësi u përdor për të çliruar nga drejtësia kriminelët si Keçi dhe të tjerë të fuqishëm, që kërkohen për ekstradim në Itali.

Por Lirimi i Durim Keçit është edhe efekt i presionit të Edi Ramës ndaj drejtësisë dhe kontrollit politik nëpërmjet kryeprokurorit antikushtetues.

Që kur Edi Rama emëroi Prokurorin e Përgjithshëm pa vetting dhe në kundërshtim me kushtetutën:

· Saimir Tahirit iu kthye pasaporta dhe ai mund të lëvizë I lirë kudo ku ka fshehur paratë e fituara nga trafiku I drogës.

· Orest Sota u lirua nga burgu,megjithëse u kap në mashtrim për burimin e 863 mijë eurove dhe përdorimin e tyre.

· Trafikantëve të kokainës së Xibrakës iu ul dënimi dhe prokuroria nuk e ankimoi vendimin.

· Balilajve iu rikthye nga Gjykata leja për policinë private, që do të thotë një ushtri e armatosur me njerëz në mbrojtje të Kelment Balilit.

Bashkë me lirimin e kriminelit Durim Keçi, këto janë prova konkrete se Edi Rama e ka blerë pushtetin nëpërmjet krimit dhe po e mban nëpërmjet kapjes së drejtësisë.

Ne kemi detyrën historike të mos lejojmë diktaturën e krimit! Prandaj ftojmë çdo shqiptar të bashkohet me opozitën në 27 Janar në sheshin e protestës për t?I thënë Edi Ramës se ne jemi njerëz të lirë dhe nuk e pranojme zgjedhën e krimit!