web counter
LEXO PA REKLAMA!

SHKARKO APP

App Store
Google Play

E fundit!

x

Ambasadori i OSBE: Te vazhdojë Reforma Zgjedhore

23 Janar 2018, 14:06, Aktualitet CNA

Sot, në mjediset e Kryesisë së Kuvendit të Shqipërisë u zhvillua tryeza e rrumbullakët me temë ?Votimi i shtetasve shqiptarë jashtë vendit?. Tryeza u organizua nga Ministri i Shtetit për Diasporën, nën kujdesin e Kuvendit dhe me mbështetjen e Prezencës së OSBE-së në Shqipëri.

Në fjalën e tij, Kryetari në Detyrë i Prezencës së OSBE-së, Robert Wilton, tha se çështja e votimit të shtetasve jashtë vendit është një çështje e rëndësishme dhe komplekse, veçanërisht duke pasur parasysh se rreth 1/3 e shtetasve shqiptarë banojnë jashtë vendit, një përqindje e konsiderueshme që kontribuon gjithashtu edhe në mirëqenien dhe ekonominë e vendit. ?Gëzohem që kemi këtu një përpjekje për maksimalizimin e pjesëmarrjes së shtetasve në zgjedhjet shqiptare. Shumë vende evropiane njohin të drejtën e votimit për shtetasit e tyre jashtë vendit, mirëpo nuk ekzistojnë as nga OSBE/ODIHR-i dhe as nga standarde të tjera ndërkombëtare standarde fikse që kontrollojnë votimin jashtë vendit. Vendimi për të pranuar mundësinë e votimit të shtetasve jashtë vendit varet vetëm nga secili shtet,? tha Wilton. ?Ata që konsiderojnë të drejtën e votimit për shtetasit jashtë vendit duhet të reflektojnë në mënyrë të kujdesshme për më të mirën e vendit. Është esenciale që procesi i vendimmarrjes për këtë reformë të jetë gjithëpërfshirës. Një reformë do të kishte më shumë besueshmëri nëse është gjithëpërfshirëse?, shtoi ai.

Wilton theksoi se, cilido të jetë vendimi lidhur me votimin e shtetasve jashtë vendit, është thelbësore që procesi më i gjerë i reformës zgjedhore të vazhdojë. ?Tani është momenti i duhur për bisedim, për zhvillimin e ideve dhe për vendim për procesin e reformës zgjedhore dhe jo vetëm 2-3 muaj përpara zgjedhjeve të ardhshme. Tani është momenti i duhur për përkushtimin e sinqertë të institucioneve për një reformë serioze,? tha ai. Wilton tha se duhet shfrytëzuar ky ritëm për përmbushjen e rekomandimeve të OSBE/ODIHR-it të bëra pas zgjedhjeve të vitit 2017, 2015 dhe 2013, duke kujtuar se gjysma e kohëzgjatjes së mandatit të komisionit të posaçëm të reformës zgjedhore ka kaluar.

?Prezenca e OSBE-së është e përkushtuar ta mbështesë me ekspertizën e saj reformën zgjedhore dhe zbatimin e saj, kaq të rëndësishme për mirëfunksionimin e demokracisë në Shqipëri?, tha Wilton./ CNA.al





Lajmet e fundit nga