web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet e kaluara e errët e anëtarëve të KLP dhe KLGJ

23 Janar 2018, 13:10, Aktualitet CNA

Në një dalje për mediat rreth mesditës së sotme, deputetët e PD, Oerd Bylykbashi dhe Gazmend Bardhi kanë hedhur akuza të forta në lidhje me përzgjedhjen e anëratëve të KLP dhe KLGJ.
Deputetët demokratë deklaruan se përzgjedhja është e jashtëligjshme. Sipas tyre, njëri rezulton i dënuar, tjetri funksionar i lartë politik, një tjetër bashkëpunëtor i sigurimit etj. Sipas Bylykbashit këta kandidatë ?delegjitimojnë të gjithë funksionimin e Këshillit të Lartë të Gjyqësor dhe atij të Prokurorisë.

Deputeti Bardhi the ndër të tjera se:
Altin Hazizaj është një ndër anëtarët e përzgjedhur, i cili nuk plotëson kushtet, pasi rezulton i dënuar dy herë. Sipas deputetit Bardhi, Hazizaj duhej të ishte skualifikuar që në fillim të procesit.
Sokol Lamaj, nga radhët e avokatisë, nga Drejtoria e Tatimeve rezulton se Lamaj nuk ka paguar rregullisht detyrimet tatimore dhe eshte subjekt i masave administrative.
Ilir Panda, nga radhët e pedagogëve, sipas ONM ka qënë i angazhuar politikisht në nivele shumë të larta në të kaluarën. Bardhi theksoi se një person i angazhuar në politikë, nuk mund të jetë anëtar i KLGJ.
Kozma Jana. Një ndër kushtet ishte se nuk mund të përzgjidhej një person i cili ka qënë pjesë e Ish-Sigurimit të Shtetit.
Ky person sipas Bardhit, rezulton të ketë qënë bashkëpunëtor i ish Sigurimit të Shtetit. Dhe për këtë arsye është përjashtuar në 1996 në një aplikim tjetër.
Alfred Balla: Në rekomandimin e ONM nuk plotëson kriterin e angazhimit në Shoqërinë Civile në 5 vitet e fundit. Platforma e këtij kandidati është plagjiaturë e një kandidati tjetër. (Plarent Ndreca). ONM thotë se ky kandidat nuk ka integritetin e duhur për të qenë kandidat./ CNA.al





Lajmet e fundit nga