web counter
LEXO PA REKLAMA!

SHKARKO APP

App Store
Google Play

E fundit!

x

Zhduken pronat e vetëdeklaruara nga gjyqtarët e prokurorët/ Allishverishe me çmimet e shitjeve

20 Janar 2018, 20:17, Aktualitet CNA

Jo pak prej pronave të vetëdeklaruara nga gjyqtarët dhe prokurorët ndër vitet e shkuara janë zhdukur nga formularët e viteve vijuese, ndërkohë që në bashkëpunim me noterë jo pak prej tyre ja kanë dalë të manipulojnë me çmimet e shitjes,

Duke ju referuar burimeve nga Inspektorati i Lartë i Deklarimit dhe Kontrollit të Pasurive(ILDKP)m “Pamfleti.com” raporton se gjatë verifikimeve në terren që po bëjnë ekspertët për pronësitë e 800 gjyqtarëve dhe prokurorëve, ka rezultuar se shumë prej tyre të deklaruar në formularët e vetëdeklarimit në vitin 2016, tani rezultojnë të shitura. Por ajo që tremb ekspertët, si të ILDKP, ashtu dhe të Komisionit të Pavarur të Kualifikimit e të Operacionit Ndërkombëtarë të Monitorimit, është mashtrimi me vlerën e shitjes.

Sipas burimeve, citon “pamfleti”, dyshohet se gjyqtarët po përdorin noterët për të mashtruar me vlerën e shitjes së objekteve. Ka shumë emra të tillësh që kanë ecur me plan. Në deklaratat që kanë bërë në ILDKP, kanë deklaruar objekte me vlerë të ulët, edhe pse realisht ajo ka pasur vlerë shumë të lartë. Por duke e ditur se gjatë verifikimeve që do të bëhen në terren do të zbulohet vlera e saktë e banesës, ata kanë nisur t?i shesin. Por skandali nuk është vetëm ky, pasi janë zbuluar të dhëna se ka pasur bashkëpunim me noterë që vlera e shitjes të deklarohet më e ulët se normalja. Ndërkohë që janë zbuluar dhe raste kur objektet gjyqtarët e prokurorët nuk i kanë deklaruar fare në formularë dhe më pas janë detyruar t?i shesin”.CNA.al





Lajmet e fundit nga