web counter
LEXO PA REKLAMA!

SHKARKO APP

App Store
Google Play

E fundit!

x

LSI, 8 vite në pushtet/ Ku ishe deri tani zonja Kryemadhi ?

20 Janar 2018, 18:09, Aktualitet CNA

Lëvizja Socialiste për Integrim, sekti më i korruptuar i politikës shqiptare, pas tetë vitesh rrjesht në pushtet, tashmë ka vetëm disa muaj që është në opozitë.

Në të gjitha daljet mediatike, kryetarja e LSI-së ashtu si dhe anëtarë të tjerë të kësaj partie përpiqen të duken si opozitarë të fortë, përballë qeverisë së Ramës, me të cilin ndanë pushtetin për katër vite.

Sa hap e mbyll sytë, pa ftohur ende karrigen e pushtetit, LSI ka filluar sulmet dhe akuzat ndaj qeverisë, për ekonominë, korrupsionin, krimin etj.

Edhe pasditen e sotme në një takim me strukturat e LSI-së te njësia numër 5 në Tiranë, kryetarja e kësaj partie, Monika Kryemadhi ka vijuar me sulmet e saj politike në drejtim të kryeministrit Rama.

Gjatë këtij takimi, Kryemadhi ndër të tjera u shpreh se ?Shqipëria ka nevojë për shpresë, ka nevojë për politikanë të vërtetë, ka nevojë, për deputetë të cilët e duan dhe e respektojnë zgjedhësin e tyre, ka nevojë për ministra që të zgjidhin problematikat e qytetarëve, ka nevojë për mjekë në shërbim të tyre, ka nevojë për edukatore që fëmijët të rriten të lumtur, të denjë dhe me dashur për vendin e tyre?.

Të gjitha ato që ajo tha janë të drejta, por ku ishte zonja Kryemadhi dhe partia që drejton gjatë këtyre tetë viteve?

Pse nuk u realizua asnjë prej tyre gjatë këtyre tetë viteve?/ CNA.al





Lajmet e fundit nga