E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Kush do ta rivalizojë Lali Erin nga opozita?

18 Janar 2018, 13:57, Aktualitet CNA

Zgjedhjet e ardhshme nuk duken të jenë larg, janë më të afërme dhe janë në fund të pranverës së vitit që vjen.

Socialistët në Tiranë e kanë të garantuar kandidatin. Veliaj tashmë me nofkën ?Lali Eri? është kandidati i socialistëve, në rast se nuk ndodh ndonjë çudi.

Veliaj është një kandidat potent që me çdo rival për të qënë të vërtetë deri në fund do të regjistronte një fitore shumë të thellë, sepse duke punuar në televizion 24 orë në ditë, ka krijuar imazhin se po ndryshon Tiranën.

Përballë Lali Erit, PD dhe opozita, tashmë duhej ta kishin nxjerrë kandidatin e tyre. Një personalitet politik duhej të fillonte betejën me Veliaj, që më shumë se një vit më para. Sot Lali i Bashkisë së Tiranës nuk ka opozitë, përjashtuar disa dalje sporadike të këshilltarëve bashkiakë, ku askush prej tyre nuk duket të jetë në performancën e një rivali përballë Veliajt.

Një lider politik, duke parë situatën dhe duke njohur problematikën e Tiranës, minimalisht duhej të kishte nxjerrë një kandidat që të punonte në maksimum dhe të dobësonte sa më shumë kryebashkiakun, pa folur për një ekip pas tij, i cili çdo ditë, ashtu siç numëron Lali Eri pemët e mbjella të dhuruara nga donator, ti numëronin çdo ditë koncesionet, aferat dhe korrupsionin ku është zhytur kryebashkiaku gënjeshtar i Tiranës.

E në vend të nxjerrjes së kandidatit apo të përgatitjes së një ekipi përballë Veliajt, Basha ka zgjedhur ti bëjë fresk kryebashkiakut duke ja shtruar rrugën e mandatit të dytë dhe duke ja bërë çdo ditë e më të lehtë.

Ndoshta pazaret, ndoshta kullat, korrupsionet familjare dhe gjithçka tjetër janë ato që e pengojnë Bashën ti qëndrojë marrëveshjes së 18 majit me Edi Ramën, ku pjesë e pazarit mesa duket ka qënë edhe Veliaj.

E siç Rama mbështet Lulin të qëndrojë në krye të PD-së, ky i fundit e ndihmon që ti rritet edhe më shumë trashëgimtari i fronit në PS. E ndërkohë që Veliaj rrit imazhin, Luli kënaqet dhe le në harresë pasi i mjaftojnë ato që ai i ka bërë për familjen./ CNA.al