web counter
LEXO PA REKLAMA!

SHKARKO APP

App Store
Google Play

Akuza e fortë/ Kryebashkiaku i Elbasanit, në funksion të bandave të krimit

18 Janar 2018, 13:23, Aktualitet CNA

Gjatë një takimi të zhvilluar në qytetin e Elbasanit, kryetari i PD, Lulzim Basha ka akuzuar kryebashkiakun Qazim Sejdini se ka fundosur shtetin ligjor në favor të bandave që sulmojnë policinë.

Sipas Bashës, Qazim Sejdini si modeli i Aleancës së Edi Ramës me krimin, ka fundosur shtetin ligjor në favor të bandave që sulmojnë policinë.

?Ato pamje shokuese tregojnë në fakt se ku është shteti i Edi Ramës. Shteti i Edi Ramës nuk janë policët brenda këtyre makinave apo jashtë atyre makinave. Shteti i Edi Ramës janë banditët, është Suel Çela, është Sanxhaktari dhe banditët e tjerë që kanë marrë peng qytetin e Elbasanit përmes kryepadrinos, Qazim Sejdinit.?-u shpreh kreu i opozitës.

Lulzim Basha tha se aksioni opozitar që nis më 27 janar me protestën nuk bëhet për interes të ngushtë politik, por për t?i dhënë vendit një qeveri të dalë nga zgjedhje të lira e të ndershme, që punon dhe jep llogari para qytetarëve.

 ?Ajo që kërkojmë me 27 janar, nuk është për veten tonë, jo, nuk është për të bërë Lulzim Bashën kryeministër. Unë nuk dua të jem një kryeministër i ardhur nga protestë. Unë dua të jem një kryeministër i ardhur nga vota e qytetarëve shqiptarë, bazuar në programin tonë, në zgjidhjet tonë, në vizionin tonë, në vlerat tona?-tha Basha.

I bindur se në 27 janar shqiptarët do të flasin me praninë e tyre kundër Aleancës me krimin, Basha tha se mesazhi i qytetarëve për Edi Ramën do të jetë i qartë.

?Ora e aleancës tënde me krimin ka marrë fund! Ora e pushtetit tënd të paligjshëm ka marrë fund!  Mësoje nga Elbasani, me 27 janar do ta mësosh nga Tirana.?– u shpreh kryetari i Partisë Demokratike./ CNA.al





Lajmet e fundit nga